Edward D. Wood Jr.
Ed Wood (10 d'ochobre de 1924, Poughkeepsie (es) 
– 10 d'avientu de 1978, Hollywood), direutor, productor, guionista, editor y actor de cine d'Estaos Xuníos. Foi consideráu como'l peor direutor de tolos tiempos, pero anguaño ye valoráu por dellos aficionaos como direutor de cultu. Tim Burton rodó una película sobro la so vida: Ed Wood, con Johnny Depp encarnando a Wood.
Edward D. Wood Jr. | |
|---|---|
 | |
| Vida | |
| Nacimientu |
Poughkeepsie (es) , 10 d'ochobre de 1924[1] |
| Nacionalidá |
 Estaos Xuníos |
| Muerte | Hollywood[2], 10 d'avientu de 1978[1] (54 años) |
| Causa de la muerte |
infarto agudo de miocardio (es) |
| Familia | |
| Pareyes | Dolores Fuller |
| Estudios | |
| Llingües falaes | inglés[3] |
| Oficiu | guionista, productor de cine, actor de cine, direutor de cine, montador, escritor, actor de teatru, novelista, realizador |
| Trabayos destacaos | Glen or Glenda |
| Seudónimos | Ann Gora, Akdov Telmig, Johnny Carpenter, Emil Moreau, John Quinn, William Davis, Dick Trent y Kathleen Everett |
| Serviciu militar | |
| Cuerpu militar | Cuerpu de Marines de los Estaos Xuníos |
| Graduación | cabu |
| Lluchó en |
Batalla de Tarawa (es) Segunda Guerra Mundial |
| IMDb | nm0000248 |
 | |
Biografía
editarNacíu en Poughkeepsie (Nueva York), el mozu Ed interesóse dende bien pequeñu pol cine, especialmente poles películes de terror y del oeste. A los 11 años d'edá los sos padres regaláron-y una cámara de cine, lo cual empecipió la so pasión pola industria cinematográfica.
En sirviendo na Segunda Guerra Mundial (onde años dempués confesó combatir vistiendo ropa interior de muyer y ser homosexual), establecióse en Hollywood en 1948. Llugar nel qu'empezó a actuar n'obres de teatru al empar qu'intentaba atopar productores dispuestos a financiar los sos proyeutos.
Tres dellos intentos gandíos, finalmente conoció a Alex Gordon, col cual escribió dellos guiones y foi quien-y presentó a Bela Lugosi, famosu actor de películes de terror nos años 30, ente los sos papeles cabo destacar el de Drácula. Na so etapa final y al ser amigu d'Ed, participaría nes sos primeres películes.
Glen o Glenda, (1953) foi'l debú cinematográficu de Ed y la única película non producida pol míticu direutor. Nella trataba'l revesosu tema del travestismu, nuna dómina na qu'esti tema nun taba bien d'actualidá.
La so segunda película, La moza de la bisarma (1955) supunxo la primer incursión del peculiar direutor nel xéneru de terror, dando'l papel protagonista a Bela Lugosi y secundáu pol lluchador suecu Tor Johnson.
En 1956 muerre Bela Lugosi, fechu que significó un duru golpe pa Ed, que, tres delles incursiones na televisión y proyeutos de menor categoría, finalmente rueda en 1959 la que por munchos ye considerada la so peor película (o meyor, según como se mire): Plan 9 from Outer Space. Partiendo de les últimes escenes que rodó Lugosi en vida (malapenes 5 minutos), Ed escribió'l guión en menos de dos selmanes y utilizó metraxe sobrante d'otres películes. Con un presupuestu inferior a 60.000 dólares, rodó una película con munchos furacos y fallos de puesta n'escena, que difícilmente consiguió un distribuidor y que, nun dando beneficios, foi retirada rápido de los teatros y sales onde s'estrenó.
En 1959 estreno la película Night of the Ghouls la secuela de Bride of the Monster. Nella podemos ver d'actor a Criswell, el vidente que predixo la muerte de Kennedy. Esta película tien momentos memorables como calabres que son cadarmes de plásticu, l'apaición d'un demoniu que ye un home de raza negra con un salacot... Dempués d'esti filme dedicóse a realizar películes semipornográfiques como Death of a travestite. Estes películes nun fueron tan conocíes como les anteriores.
Nel momentu de la so muerte, en 1978, quedara nel escaezu, hasta qu'esi mesmu añu publicóse un llibru, The Golden Turkey Awards, que lo definía como'l peor direutor de cine de tolos tiempos.
Filmografía
editarComo direutor
editar1948 : The Streets of Laredo (o Crossroads of Laredo) 1951 : The Sun was Setting 1953 : Trick Shooting with Kenne Duncan 1953 : Glen or Glenda 1953 : Crossroad Avenger : The Adventures of the Tucson Kid 1953 : Boots 1954 : Jail Bait 1955 : Bride of the Monster 1957 : The Night the Banshee Cried 1957 : Final Curtain 1959 : Plan 9 from Outer Space 1959 : The Revenge of the Dead (o Night of the ghouls) 1960 : The Violent Years 1961 : The Sinister Urge 1965 : Orgy Of The Dead 1970 : Excited (baxu l'alcuñu de Akdov Telmig) 1970 : Take It Out Trade 1971 : Necromania
Como actor
editar1948 : The Streets of Laredo 1950 : The Baron of Arizona 1953 : Glen o Glenda 1953 : Croosward Avenger 1954 : Jail Bait 1958 : Plan 9 from Outer Space 1961 : The Sinister Urge 1969 : The Love Feast 1970 : Take It Out In Trade 1970 : The Sensuous Wife 1974 : Five Loose Women 1977 : Meatcleaver Massacre
Ver tamién
editarReferencies
editar- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos
editar- Ed Wood na IMdB (n'inglés)
