Effat Nagy
Effat Nagy (5 d'abril de 1905, Alexandría – 4 d'ochobre de 1994, El Cairu), conocida tamién como Effat Nagi, Effat Naghi o Effat Nagui, foi una artista exipciana que dedicó parte de la so obra a la esploración de la cultura exipcia.[2]
Effat Nagy | |
|---|---|
| Vida | |
| Nacimientu | Alexandría, 5 d'abril de 1905 |
| Nacionalidá |
 Exiptu |
| Llingua materna | árabe exipcianu |
| Muerte | El Cairu, 4 d'ochobre de 1994 (89 años) |
| Familia | |
| Casada con |
Saad El-Khadem (en)  ( – m. 1987)[1] |
| Estudios | |
| Llingües falaes |
árabe árabe exipcianu |
| Oficiu | pintora, artista, artista visual |
 | |
Trayectoria
editarNació nel puertu mediterráneu d'Alexandría en 1905. Venía de una faneguera familia de terratenientes d'Alexandría.[3] Tuvo accesu a una educación d'élite para una moza de la dómina y foi educada en casa en música, matemátiques y lliteratura francesa.[4] Tamién empecipió nel dibuxu, la pintura y la música dende l'adolescencia.[3] El so hermanu, el tamién artista Mohamed Nagy, reconoció'l talentu d'Effat Naghi y consiguió una tutora d'arte pa que-y enseñara en casa.[4]
En 1937 llogró una beca a tiempu completu del Ministeriu de Cultura d'Exiptu, un llogru pocu habitual na dómina pa una muyer.[5] A partir d'esi momentu, dedicóse a estudiar el patrimoniu de les distintes civilizaciones exipcies.[5]
En 1945, casó col artista ya investigador Saad Al-Khadem en 1945. Dos años dempués, con 42 años, empezó la so formación artística formal. De 1947 a 1949 estudió escultura, pintura al frescu y artes decoratives na Academia de Belles Artes de Roma.[4][6] En 1949, Nagy conoció en París al pintor cubista André Lhote, que se convirtió nel so profesor mientres un añu introduciéndola nel cubismu y el fovismu.[4] Nesa etapa, Naghi esploró xunto a Lhote l'arqueoloxía exipcia.[7]
Nagy representó a Exiptu na Bienal d'Arte de Venecia en 1950, 1952 y 1956.[3] En 1964, el Ministeriu de Cultura exipciu encargó-y, ente otros artistes, que cavilgara sobro'l progresu de la construcción de la presa d'Asuán.[4][6]
Parte de la so obra espúnxose nel Muséu d'Arte Moderno de París.[8] Finó en 1994.[8]
Legáu
editarCreó n'El Cairu el Muséu de Saad El-Khadem y Effat Nagy que contién alredor de 200 de les sos pintures y cerámiques.[9]
Referencies
editar- ↑ Afirmao en: Wikipedia. Llingua de la obra o nome: distintes llingües. Autor: comunidad de Wikipedia.
- ↑ «FineArt Sector - Biographies - Effat Mousa Nagy». www.fineart.gov.eg. Consultáu'l 2024-08-28.
- ↑ 3,0 3,1 3,2 Maps, Central Pavilion See on Google (2024-03-13). «Biennale Arte 2024 | Effat Naghi» (inglés). La Biennale di Venezia. Consultáu'l 2024-08-28.
- ↑ 4,0 4,1 4,2 4,3 4,4 «EFFAT NAGHI - Artists» (inglés). Dalloul Art Foundation. Consultáu'l 2024-08-28.
- ↑ 5,0 5,1 «Effat Naghi - Biography» (inglés). Safarkhan Art Gallery. Consultáu'l 2024-08-28.
- ↑ 6,0 6,1 Pioneers: Saad El-Khadem and Effat Nagy Museum: Recharge your inspiration, 2011, Daily News Egypt, Retrieved 16 September 2015
- ↑ Pioneers: Saad El-Khadem and Effat Nagy Museum, Youmna Salah, 1 January 2011, Masress.com, Retrieved 17 September 2015
- ↑ 8,0 8,1 «Effat Nagui | Biography» (inglés). www.mutualart.com. Consultáu'l 2024-08-28.
- ↑ Museum of Saad El-Khadem and Effat Nagy, cuipcairo.org, Retrieved 16 September 2015
Enllaces esternos
editar
Datos: Q20988972
