Eiji Aonuma
Eiji Aonuma (青沼英二) ye, xunto con Shigeru Miyamoto, el productor de la saga de videoxuegos de Nintendo The Legend of Zelda y el so máximu responsable na actualidá.
Eiji Aonuma | |
|---|---|
.jpg) | |
| Vida | |
| Nacimientu | Nagano, 16 de marzu de 1963 (61 años) |
| Nacionalidá |
 Xapón |
| Estudios | |
| Estudios |
Universidad Nacional de Bellas Artes y Música de Tokio (es)  |
| Llingües falaes | xaponés |
| Oficiu | diseñador de xuegos, informáticu teóricu, desarrollador de videoxuegos, productor de videoxuegos |
| Emplegadores | Nintendo |
| IMDb | nm0648870 |
 | |
Biografía editar
Eiji Aonuma nació na ciudá de Nagoya el 16 de marzu de 1963. Llicencióse en diseñu na Universidá Nacional de Belles Artes y Música de Tokiu en 1988, momentu nel cual incorpórase a la plantía de Nintendo gracies a una serie de marionetes articulaes que presentó ante la xunta de la compañía como amuesa del so trabayu.
Eiji Aonuma empezó a desempeñar llabores de mayor importancia en Nintendo a partir de 1996, cuando collaboró como diseñador gráficu nel desenvolvimientu de Marvelous, Another Treasure Island, xuegu que namái vio la lluz en tierres xaponeses. A pesar del pocu ésitu d'ésti, Aonuma persistió nel so trabayu y llueu foi solicitáu pa trabayar nel desenvolvimientu de títulos pa la consola Nintendo 64.
Tres delles actuaciones como direutor de progresu y supervisor en GoldenEye 007 o Blast Corps, la so oportunidá d'oru llegó cuando tuvo la oportunidá de trabayar cerca de Shigeru Miyamoto como direutor de The Legend of Zelda: Ocarina of Time.
A Miyamoto gustó-y tanto'l so trabayu y entusiasmu que, dende entós y xunto a él, Aonuma ye'l productor y máximu responsable de la saga The Legend of Zelda.
Tres The Legend of Zelda: Ocarina of Time, The Legend of Zelda: Majora's Mask y The Legend of Zelda: The Wind Waker fueron los sos primeros trabayos con un puestu d'alta responsabilidá dientro de la serie Zelda.
Intereses editar
Eiji Aonuma ye un gran aficionáu a la música y, xunto con otros emplegaos de Nintendo, ye miembru fundador d'un grupu llamáu The Wind Wakers n'honor al títulu de la franquicia The Legend of Zelda. Esti grupu toca alredor de cuatro veces al añu en fiestes de la empresa.[1]
Xuegos nos que participó editar
- 1996 - Marvelous: Mouhitotsu non Takarajim (Diseñador gráficu)
- 1996 - Pilotwings 64 (Agradecimientos)
- 1997 - Blast Corps (Supervisor)
- 1997 - GoldenEye 007 (Direutor de Progresu)
- 1998 - The Legend of Zelda: Ocarina of Time (Direutor)
- 2000 - The Legend of Zelda: Majora's Mask (Productor y direutor)
- 2002 - The Legend of Zelda: The Wind Waker (Productor y direutor)
- 2004 - The Legend of Zelda: The Minish Cap (Supervisor)
- 2004 - The Legend of Zelda: Four Swords Adventures (Productor)
- 2006 - The Legend of Zelda: Twilight Princess (Direutor)
- 2007 - The Legend of Zelda: Phantom Hourglass (Productor)
- 2009 - The Legend of Zelda: Spirit Tracks (Productor)
- 2011 - The Legend of Zelda: Skyward Sword (Productor)
- 2013 - The Legend of Zelda: The Wind Waker HD (Productor y direutor)
- 2013 - The Legend of Zelda: A Link Between Worlds (Productor)
- 2014 - Hyrule Warriors (Supervisor)
- 2015 - The Legend of Zelda Triforce Heroes (Productor)
- 2016 - Hyrule Warriors Legends (Supervisor)
- 2017 - The Legend of Zelda: Breath of the Wild (Productor)
Ver tamién editar
Referencies editar
- ↑ «Eiji Aonuma and the spirit of adventure» (25 de payares de 2009). Consultáu'l 28 de payares de 2014.
Datos: Q731575
Multimedia: Eiji Aonuma
