El Gaiteru de Veriña
José Antonio García Suárez (16 de xunu de 1928, Puao – 25 de setiembre de 2006, Villaviciosa), más conocíu como'l Gaiteru de Veriña, yera un músicu tradicional asturianu.
El Gaiteru de Veriña | |
|---|---|
 | |
| Vida | |
| Nacimientu | Puao[1], 16 de xunu de 1928 |
| Nacionalidá |
 España |
| Muerte | Villaviciosa, 25 de setiembre de 2006 (78 años) |
| Estudios | |
| Llingües falaes | castellanu |
| Oficiu | músicu |
| Seudónimos | Gaiteru de Veriña |
| Instrumentu musical | gaita |
 | |
Magar de tener nacío en Puao, el nome pol que foi conocíu nel ámbitu musical y folklóricu yera'l de El Gaiteru de Veriña. L'entornu familiar facilitó'l so contautu cola gaita yá que so pá, Ramón d'Antón, y un tíu suyu tocaben esti instrumentu, anque él reconoció siempres como'l so maestru a David Alonso, de Llanera. A los catorce años interpretó la so primera misa de gaita en Pruvia.
Formó pareya con munchos tamboriteros anque l'habitual yera Luis de Sarilles, de Santa Rosa (Llugo). Con quince años tuvo la oportunidá d'acompañar a La Busdonga, igualmente, a lo llargo de la so carrera tocaría pa los grandes de la tonada: José Noriega, Diamantina, El Tordín de Frieres, Josefina Argüelles, Miranda, Mari Luz Cristóbal Caunedo, ...
Nos años setenta formó parte de l'agrupación “Así canta Asturias”.
Unu de los sos últimos trabayos discográficos foi la misa asturiana de gaita que grabó xunto a Pedro Pangua y Mari Luz Cristóbal, recuperando d'esta manera una pieza que fuera bien popular nel mundu rural asturianu.
Referencies editar
- ↑ «El mundu de la gaita llora la muerte de José Antonio García Suárez, El Gaiteru de Veriña» (asturianu). Asturnews. Consultáu'l 21 marzu 2024.
Enllaces esternos editar
Datos: Q9013580
