El Tordín de Frieres

José Fernández García, El Tordín de Frieres, (25 de xunetu de 1922, Llangréu) ye un cantante asturianu de tonada (Nel llibru Historia de la música asturiana, de Ismael González Arias dizse que nació'l 4 d'ochobre de 1922, na parroquia llangreana de Frieres).

El Tordín de Frieres
Vida
Nacimientu	Llangréu, 25 de xunetu de 1922 (102 años)
Nacionalidá	España
Estudios
Llingües falaes	castellanu
Oficiu	cantante
Instrumentu musical	voz

Como tantos cantadores asturianos vivió dientro de la so familia l'ambiente de la tonada. De bien neñu entamó a cantar polos chigres, una verdadera escuela de la canción asturiana, y el so mote Tordín vien d'un mulu propiedá de la familia que siempres montaba de guaje.

Entamó a participar en concursos y algamó'l segundu premiu del entamáu pol diariu Región en 1955. Posteriormente ganó los concursos de Radio Nacional d'España, Radio Oviedo o Salto a la fama (1961).

Tuvo ocasión d'actuar nel Reinu Xuníu acompañando a la Coral Polifónica Xixonesa nel añu 1961, y en Bélxica, acompañáu por Margarita Blanco, nel añu 1969, asina como en Francia en 1973.

Foi unu de los componentes de la compañía de Campeones de Canción Asturiana "Asturias Canta", xunto con José Noriega, Ataúlfo Lada Camblor, Agustín Argüelles, Fidel de la Güeria, Tarín de Sotrondio, Margarita Blanco y Silvino Blanco como gaiteru acompañante.

Grabaría un total d'unos ochenta cantares bien en solitario o acompañáu por músicos como El Gaiteru de Veriña. D'ente esos cantares podríen destacase: Arrea, carreteru , Cuando la máquina va, Oigo sonar una gaita, María, si vas al horru, Adiós la mio vaca pinta, Baxando pela aldea ...

Enllaces esternos

• Wikimedia Commons tien conteníu multimedia tocante a El Tordín de Frieres.

• Datos: Q13147116