El Hobbit (publicáu n'asturianu como El Hobbit. N'Asturianu; nel orixinal inglés, The Hobbit) ye una novela de J.R.R. Tolkien, foi espublizada'l 21 de setiembre de 1937, traduciéndose per primer vegada n'asturianu nel añu 2014. Aniciada ente los años 1930 y 1931, esta obra de corte infantil foi la primera que s'asoleyare, onde Tolkien esploraba l'universu mitolóxicu de la Tierra del Mediu que llueu s'encargaría de definir en The Lord of the Rings y The Silmarillion, perfilándose dellos de los personaxes que darréu participaríen de forma peractiva en The Lord of the Rings (Como Gandalf y Bilbo).

El Hobbit
obra lliteraria
Datos
Autor John Ronald Reuel Tolkien
Fecha 21 setiembre 1937 y 1937
Xéneru fantasía juvenil (es) Traducir, lliteratura xuvenil, cuentu de fades, fantasía y alta fantasía (es) Traducir
Llingua de la obra inglés
Editorial orixinal George Allen & Unwin (es) Traducir y Allen & Unwin (es) Traducir
País orixinal Bandera del Reinu Xuníu Reinu Xuníu
Ilustrador orixinal John Ronald Reuel Tolkien
Serie de llibros Legendarium de la Tierra Media
Númberu de páxines 310
Personaxes
Llugar de la narración Tierra Media (es) Traducir
Obres derivaes El hobbit (es) Traducir, El hobbit (es) Traducir, The Hobbit: An Unexpected Journey, The Hobbit: The Desolation of Smaug, The Hobbit: The Battle of the Five Armies, The Hobbit (en) Traducir, The Hobbit, The Hobbit, Adautaciones cinematográfiques y televisives d'El Hobbit, Middle-earth: Shadow of Mordor, LORD (en) Traducir y Middle-earth: Shadow of War
Asturianu
Títulu traducción El hobbit
Traductor Miguel Gallego Gómez
Editorial traducción Ediciones Terrier
Fecha traducción 2014
Númberu de páxines (traducción) 284
El Hobbit El Señor de los Aniellos y La sociedá del aniellu
Cambiar los datos en Wikidata

Argumentu editar

La historia asítiase cronolóxicamente unes poques decenes d'años enantes de les aventures de The Lord of the Rings, narra'l viaxe d'un hobbit nomáu Bilbo Bolsona (tíu de Frodo, ún de los protagonistes cimeros de The Lord of the Rings), al que nun-y presten les aventures, al Monte Solitariu a la gueta de l'ayalga robada pol dragón Smaug años antrás. Too entama un inesperáu día nel que Bilbo recibe la visita de Gandalf el Gris xunto con 13 nanos, ente los que se cunta a Thorin Escuducarbayu, qu'a la so familia-y foi robada l'ayalga. Dellos de los fechos narraos n'El Hobbit influyirán nos asocedíos posteriores de The Lord of the Rings.

Análisis editar

Anque l'análisis de la obra lleva invariablemente a la engarradiella cola so "hermana mayor", The Lord of the Rings, nun ye posible facer una comparanza ente elles, pues el tonu y estilu ye estremáu dafechu, yá que taba destináu por completo a un públicu infantil. De fechu, la obra foi escrita nun entamu pa los sos fíos, y foi'l fíu del editor George Unwin, de diez años, el que por una paga (un chelín), escribió un resume de la obra y aconseyó la so edición; esi "informe" entá pue ser consultáu.

D'otra miente, nun hai que dubiar que nel universu particular del autor, esta novela anticipaba los asocedíos relataos darréu en The Lord of the Rings, ye equí onde ta la bas de lo que sería la so obra posterior.

Por mor de que Tolkien non siempres tuvo ñidio'l realizar una continuación d'esta obra, una vez creáu The Lord of the Rings, tuvo que facer dellos camudamientos col envís de que dambes obres tuvieren la coherencia afayadiza.

Edición editar

Primera edición: 1937
Primera edición n'asturianu: 2014
Títulu: El Hobbit. N'Asturianu
Autor:Tolkien, J. R. R.
Traductor: Miguel Gallego Gómez Editor: Ediciones Terrier

Referencies editar

Enllaces esternos editar