El Señor de los Aniellos

(Redirixío dende The Lord of the Rings)

El Señor de los Aniellos (n'inglés: The Lord of the Rings) ye una historia de fantasía épica escrita por John R.R. Tolkien, como secuela de la so primer obra, El Hobbit. Asoleyóse orixinalmente en trés volúmenes (La sociedá del aniellu (The Fellowship of the Ring), The Two Towers y The Return of the King), de 1954 a 1955. Foi traducida al asturianu por Nicolás Bardio y espublizada por Ediciones Trabe.

El Señor de los Aniellos
serie de noveles, trilogía literaria (es) Traducir y serie d'obres
Datos
Autor John Ronald Reuel Tolkien
Fecha 1954
Xéneru fantasía, alta fantasía (es) Traducir y ficción d'aventures
Llingua orixinal inglés
Llingua de la obra inglés
Editorial orixinal George Allen & Unwin (es) Traducir
País orixinal Bandera del Reinu Xuníu Reinu Xuníu
OCLC 1487587
Premios International Fantasy Award  (1957) [1]
Los 100 llibros del sieglu según Le Monde  (1999)
Premio Prometheus  (2009)
top 100 de libros de ciencia ficción y fantasía de la National Public Radio  (11 agostu 2011)
Personaxes
Llugar de la narración Tierra Media (es) Traducir, Condáu, Mordor (es) Traducir, Gondor (es) Traducir, Lothlórien (es) Traducir y Rohan (es) Traducir
Formáu por La sociedá del aniellu
Las dos torres (es) Traducir
El retorno del Rey (es) Traducir
Prólogo (es) Traducir
Apéndices de El Señor de los Anillos (es) Traducir
Obres derivaes Triloxía cinematográfica de The Lord of the Rings, The Lord of the Rings: War in the North, Middle-earth: Shadow of Mordor, Middle-earth: Shadow of War, LORD (en) Traducir, The Hunt for Gollum (es) Traducir, El Señor de los Anillos (es) Traducir y The Lord of the Rings: The War of the Rohirrim (es) Traducir
El Hobbit El Señor de los Aniellos El Silmarillion (es) Traducir
Cambiar los datos en Wikidata

Fixéronse dos adautaciones al cine, la más destacada foi la triloxía de Peter Jackson (2001-2003), qu'entá nun foi doblada al asturianu.

Tol universu ficticiu de la novela alcuéntrase na denomada Tierra del Mediu, onde los Pueblos Llibres (homes, elfos y nanos, aidaos polos hobbits) llibren una batalla titánica escontra les fuercies del Mal lideraes por Sauron, que quier algamar el Aniellu de Poder Maliñu que-y quitaren nuna batalla anterior.

El nome de la novela vien precisamente de Sauron, Señor Escuru de Mordor, que fizo l'Aniellu de Poder y, poro, ye'l "Señor de los Aniellos", al que fai referencia'l títulu. Sauron yera'l sirviente d'un señor escuru anterior: Morgoth (o Melkor), ún de los protagonistes de The Silmarillion de Tolkien.

Sinopsis editar

 
Hobbiton, llugar onde habiten los hobbits.

Magar que seya una obra independiente ella sola, The Lord of the Rings ye tamién la última parte d'un ciclu mitolóxicu muncho más llargu. L'aición desendólcase no que ye concebío como la Tierra real habitada pola humanidá, pero nun tiempu imaxinariu. Tolkien denómalo la Tierra del Mediu, remembrando'l Midgard n'inglés antiguu.

La historia principal sacantes l'argumentu, entama miles d'años enantes de los fechos escritos na novela, col ascensu del denomáu Señor de los Aniellos, el Señor Escuru, un espíritu maliñu d'enorme poder y que gobierna l'espantible reinu de Mordor.

En finando la Primera Edá de la Tierra del Mediu, Sauron sobrevive a la derrota del so maestru: Mórgoth. A lo llargo de la segunda edá, Sauron conspira p'algamar el dominiu sobro la Tierra del Mediu. Antroxáu como "Annatar", o Señor de los dones, ayuda a Celebrimbor y a otros ferreros élficos d'Erexón a forxar los Aniellos de Poder. Con too y con esto Sauron fai secretamente l'Aniellu Únicu col que podrá esclavizar a los sos portadores.

Trés Aniellos pa los Reis Elfos embaxo'l cielu.
Siete pa los Señores Nanos nos sos palacios de piedra.
Nueve pa los Homes mortales, condergaos a morrer.
Ún pal Señor Escuru, sobro'l tronu escuru
na Tierra de Mordor au s'estienden les Solombres.
Un Aniellu pa gobernalos a toos. Un Aniellu p'afayalos
un Aniellu p'atrayelos a toos y arreyalos nes borrines,
na Tierra de Mordor au s'estienden les Solombres
J.R.R. Tolkien, The Lord of the Rings
 
Un ent, personaxe de la novela

El plan fracasa cuando los elfos lu descubren y tapecen los sos aniellos. Sauron llanza entós una campaña militar na que captura los Siete Aniellos y los Nueve Aniellos y distribúilos entre los señores de los Nanos y los Homes respeutivamente. Los Nanos resulten muncho más difíciles d'esclavizar, pero los homes que tienen los Nueve, queden embaxo'l poder de los aniellos y devienen en Nazgûl, los nueve sirvientes más espantibles. Los tres Aniellos, que Sauron nun foi pa garrar, queden en posesión de los elfos. Galadriel quédase con Nenya, Círdan con narya i primero Gil-Galad y dempués Elrond con vilya.

El rei de Númenor, Ar-Pharazôn, aporta con un exércitu enorme y apresa a Sauron. D'entós p'acá, el Señor Escuru desencadena una serie d'eventos que finen por llevar a Númenor a la destrucción y fuxe en forma d'espíritu pa Mordor, onde algama una nueva forma y llanza un ataque escontra los exiliaos numenóreanos lideraos por Élendil y los sos fillos n'Ísildur y n'Anárion. Los exiliaos, tienen tiempu de preparase formando la Última Alianza ente Elfos y Homes col rei de los Éldar, Guil-Galad. Xuntos marchen pa Mordor y llevanten asediu na fortaleza de Barad-dûr. A la fin, el mesmu Sauron enfréntase en combate escontra los llíderes de l'Alianza. Guil-Galad i Élendil muerren, pero algamen la derrota de Sauron. Ísildur garra la espada frayada del so pá y emplégala p'arramplar col Aniellu Únicu de la mano del propiu Sauron, y, nesti momentu, l'espíritu del Señor Escuru fuxe pa nun tornar a apaecer en munchos sieglos.

D'esi xeitu entama la Tercera Edá de la Tierra del Mediu. Un poco más tarde, demientres viaxaba p'hacia Rivendell, ataquen a Ísildur una banda d'orcos y muerre. L'Aniellu escápase-y y fina nel Rigu Ánduin.

N'El Hobbit, l'aventura anterior de The Lord of the Rings, Tolkien desplica la historia del aparentemente accidental alcuentru de l'Aniellu por parte del hobbit Bilbo Bolsona.

El Señor de los Aniellos continúa la historia dellos años dempués del final d'El Hobbit. Narra les aventures d'una coalición de munches races de la Tierra del Mediu, incluyendo Elfos, Nanos, Hobbits y Homes, cola misión de destruyir el terrible Aniellu del Poder ya impedir asina la única oportunidá que tien Sauron de tornar a los sos plenos poderes.

Ver tamién editar

Referencies editar

  1. URL de la referencia: http://www.gostak.org.uk/ifa/ifaindex.htm. Data de consulta: 28 xunu 2022.
  2. 2,0 2,1 2,2 Afirmao en: Encyclopædia Britannica. Identificador Encyclopædia Britannica Online: topic/The-Lord-of-the-Rings. Editorial: Encyclopædia Britannica. Llingua de la obra o nome: inglés británicu. Autor: Andrew Bell.

Enllaces esternos editar