El Llano Béisbol Club
[[Categoría:Liga Española de Béisbol (es) 
]]
El Llano Béisbol Club | |
|---|---|
| Situación | |
| Estáu | España |
| Datos | |
| Tipu | equipu de béisbol |
| Fundáu en | 1986 |
| Categoría |
Liga Española de Béisbol (es) |
|
| |
 | |
El Llano Béisbol Club ye un equipu de béisbol de Xixón (Asturies) perteneciente a la Lliga Nacional d'España de béisbol, onde compite na Primer División A. El so nome vien de la denominación del Colexu Públicu El Llano, onde estudiaben la mayoría de los sos fundadores, nel popular barriu de Xixón del mesmu nome (El Llano), onde nació'l club.[1]
Historia
editarEl club foi fundáu en 1986 por dellos amantes d'esti deporte, ascendiendo'l so equipu absolutu rápidamente a la máxima categoría del béisbol n'España. Poco a poco foi incorporando categoríes inferiores, y na actualidá tien equipos alevines, infantiles, cadetes y xuveniles[2]. Tuvo tamién unu de sófbol.
En 2002 l'equipu ascendió a División d'Honor, depués de proclamase campeón de Primer División, sofitáu pol xugador Jon Lauderdale, que provinía de la Universidá de San José (California) y caltúvose na máxima categoría hasta 2010, temporada na que descendió de División de Honor a Primer División. En 2008 algamaron grandes victories contra equipos como'l Club de béisbol y softbol Sant Boi, clasificáronse como cuartos na lliga máxima y ganaron l'únicu títulu nacional qu'ostenta na actualidá, la Copa'l Rei de Béisbol[3]. Nesi mesmu añu foi consideráu por Mister Baseball, un portal dedicáu al béisbol européu como ún de los 50 meyores equipos d'esti deporte nel continente, ostentando la posición 24[4].
Tres d'una temporada en Primer División A, en 2011, l'equipu tornó a División d'Honor en 2012 hasta 2014. Tres de pasar por problemes económicos qu'acarrearon la baxada de nivel de xuegu del equipu, el club decidió baxar de categoría voluntariamente[5].
Uniforme
editarLos colores principales del equipu son el verde ya'l mariellu y vese bien representáu nes diferentes equipaciones.
- Como llocal: Camisa blanca con mangues marielles, pantalón blancu, calcetos verdes y gorra verde con visera mariella.
- Como visitante: Camisa verde, pantalón gris, calcetos verdes y gorra verde con visera mariella.
L'uniforme tamién suel complementase con una xaqueta de calentamientu verde con mangues blanques.
Xugadores destacaos
editar
Carlos López Herrer "Papi"
Jon Lauderdale-
José Luis Bailón "Vaski" (númberu 9 retiráu con honores en 2014) 
Rafael "el Gallo" Barrera- Roberto Diaz
Roberto Noriega- Yasiel Pino
Resultaos (dende l'ascensu a División d'Honor)
editar| Añu | Cat. | Lliga | Pos | V | D | Eventos |
|---|---|---|---|---|---|---|
| Div. d'Honor | – | |||||
| Div. d'Honor | – | |||||
| Div. d'Honor | Copa del Rei. Quinta posición | |||||
| Div. d'Honor | Copa del Rei. Sesta posición | |||||
| Div. d'Honor | Campeones de la Copa del Rei | |||||
| Div. d'Honor | – | |||||
| Div. d'Honor | Descensu | |||||
| 1er División A | Ascensu | |||||
| Div. d'Honor | - | |||||
| Div. d'Honor | - | |||||
| Div. d'Honor | Descensu voluntariu |
Los Diablos
editarLos Diablos ye un equipu de veteranos y d'alitamientu de los mozos valores del primer equipu que compitió ente 1994 y 2003 y que foi reactiváu nos caberos años[6]. Filial d'El Llano, xugó la Lliga Asturiana de béisbol hasta hai unos años asina como la difunta Lliga Asturgallega de Béisbol en 2001.
Referencies
editar- ↑ Hestoria'l club
- ↑ Otres categoríes
- ↑ El Llano gana la copa'l rei (n'inglés)
- ↑ http://www.mister-baseball.com/2008-misterbaseball-final-european-top-50/
- ↑ http://www.rfebeisbolsofbol.com/noticia/novedades_para_la_temporada_2015_de_la_reunion_de_la_comision_delegada_de_la_rfebs
- ↑ Composición del club
Enllaces esternos
editar- Web oficial
- Federación de Béisbol y Sófbol del Principado de Asturias Archiváu 2008-02-16 en Wayback Machine
- Real Federación Española de Béisbol y Sófbol
Datos: Q5195148
