El cai nunca duerme
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El cai nunca duerme ye una novela negra cola que Xosé Nel Riesgo algamó en 1988 el Premiu de Novela Curtia Llorienzu Novo Mier de l'Academia de la Llingua Asturiana. La obra supunxo toa una novedá nes lletres asturianes al ser la primer novela negra de escrita na nuestra llingua y atrevese a usar un llinguaxe marxinal urbanu asturianu.
| El cai nunca duerme | |
|---|---|
| obra lliteraria | |
| Datos | |
| Autor | Xosé Nel Riesgo |
| Xéneru |
novela negra (es)  |
| Llingua de la obra | asturianu |
| País orixinal |
 España |
 | |
Argumentu
editarL'esclarecimientu de la muerte d'un hermanu per parte d'un profesor, Aurelio Quirós, llévalu a movese pelos ambientes de la delincuencia y la droga d'Avilés. La implicación d'un bon númberu de personaxes notables de la villa nel contrabandu de tabacu, armes y cocaína desemboca nel apresamientu d'un barcu y nel desmantelamientu de la rede de traficantes.
Crítica
editarEnte los llogros de la novela alviértese un bon dominiu del llinguaxe adaptáu a los rexistros marxinales y una aición que nun pierde fuercia a lo llargo de tola narración. La so aparición supunxó una polémica ente'l mundu lliterariu n'asturianu, ente los que pensaben que n'asturianu se podía escribir de too y los qu'entendíen qu'usar l'asturianu pa falar d'elementos de la cultura de mases suponí la contaminación de la llingua al usar elementos ayenos a la nuestra tradición.
Referencies
editarEnllaces esternos
editar
Datos: Q25578692
