Xosé Nel Riesgo

Xosé Nel Riesgo (1963, Avilés) ye un escritor asturianu.

Xosé Nel Riesgo
Vida
Nacimientu	Avilés, 1963 (60/61 años)
Nacionalidá	España
Estudios
Llingües falaes	castellanu asturianu
Oficiu	escritor

Biografía

Llicenciáu en Xeografía pola Universidá d'Uviéu y Máster Superior en Desarrollu Llocal.

Con Adolfo Camilo Díaz trabayó en dellos proyeutos, com por exemplu la revista Al bellume. A finales de los años 80 del pasáu sieglu xontóse a la corriente qu'empezó a cultivar la novela negra como un xéneru más na llingua asturiana.

Con "El Cai nunca duerme" algamó en 1988 el Premiu de Novela Curtia de l'Academia de la Llingua, premiu que repetiría nel 2006 cola novela Escrito na ceniza (ALLA, 2007), acabante d'espublizar. Xose Nel fala na so primer novela de los ambientes de la marxinalidá, la droga y la delincuencia del so Avilés natal. En Parque Temáticu ufiértase una crítica a la sociedá asturiana centrada nel so caciquismu políticu y urbanísticu. Dempues de Parque Temáticu, Xose Nel presenta en 2014 la continuación de Parque Temáticu "Venti Negrinos"

Tamién ye autor de varios rellatos, parte d'ellos recoyíos nel llibru "Cuentos de la nevera" (1997), y diversos poemes apaecíos en revistes lliteraries asturianes.

Aparte, Riesgo ye ganador de tres premios "Fernandez Lema" entamando el primero en 1999 (la fiebre del Dock), el segundu en 2009 (regresu ensin fin) y l'ultimu en 2013 (Tres cierves psicopompes). Algamando asína'l mayor númberu de Fernandez Lema.

Como xeógrafu foi responsable d'un de los fascículos de la Xeografía d'Asturies, editada por La Nueva España, amás d'una publicación sobre'l conceyu de Muros (2003).

Asina mesmo ye miembru de la Fundación Belenos y del Conseyu Editorial de la revista: Asturies, memoria encesa d'un país, amás de vocal de l'Arribada, asociación que fundara con Humberto Gonzali, Alberto Álvarez Peña y David M. Rivas.

Nel añu 2011 foi nomáu direutor de la Fundación Municipal de Cultura, Educación y Universidad Popular del Conceyu de Xixón

Obres

Ye autor de les noveles:

• (1989) El cai nunca duerme. ALLA.
• (2005) Parque Temáticu. Ediciones Trabe.
• (2007) Escrito na ceniza. ALLA.
• (2014) Venti Negrinos. Ediciones Trabe.
• (2018) Cuentos de la nevera. Ediciones Trabe.

Enllaces esternos

• Datos: Q13148175