El tercer home
El tercer home (inglés: The Third Man) ye un filme británicu del añu 1949 dirixíu por Carol Reed, con Joseph Cotten, Orson Welles y Alida Valli nos papeles principales. El guión escribiólu Graham Greene. Rodóse en London Film Studios (Shepperton, Inglaterra) y los esteriores n'Austria. La música d'Anton Karas, interpretada por él mesmu en cítara, foi un éxitu y llegó a los primeros llugares en 1950.
Doblaxe n'asturianu editar
Dobláu al asturianu por Gonzali Producciones en 2011. Esi mesmu añu editólu la productora en DVD. Illán Gonzali dirixó y produció'l versionáu.
El doblaxe El tercer home estrenóse'l 5 de febreru de 2011 nel Centru de Cultura Antiguu Institutu de Xixón.
Sinopsis editar
Holly Martins (Joseph Cotten), escritor de noveles del oeste barates, llega a Viena en 1947 cuando la ciudá ta dixebrada en cuatro zones ocupaes polos aliaos de la Segunda Guerra Mundial. Holly llega reclamáu por un amigu de la infancia, Harry Lime (Orson Welles), que-y prometiera trabayu. Pero'l mesmu día de la so llegada coincide col entierru de Harry, que foi atropelláu por un choche. Holly conoz y namórase d'Anna, que yera la moza del so amigu.
Énte un conxuntu de datos contradictorios, Holly escomienza a investigar la muerte de Harry, sospechando qu'igual fuera asesináu. El xefe de la policía militar británica descúbre-y que'l so amigu andaba metíu na trama del mercáu negru.
Guión editar
Masque dende'l principiu propunxéron-y escribir el guión d'una película ambientada na Viena de posguerra, cola presencia de les cuatro potencies ocupantes, Graham Greene prefirió escribir la trama en forma de novela. Aquella ye la manera única, aseguraba, de poder planificar el guión, que sería más tarde ellaboráu pol propiu novelista y pol productor, Alexander Korda. Greene siempres defendió que la versión de la película yera muncho meyor que la del llibru (incluyíu'l final, que ye distintu), lo que nun torgó qu'ésti fuera editáu y acabara convirtiéndose nun clásicu.
L'aporte de Orson Welles al conxuntu de la película paez claru. Welles, que tenía problemes coles sos producciones en Hollywood, decidió dir a Europa, onde dirixó y collaboró en dellos proyeutos, ente ellos ésti llargumetraxe de Carol Reed. La so primera apaición en pantalla (el movimientu d'una lluz que descubre a Harry Lime énte la sorprendida cara de Cotten) ta considerada como la meyor presentación d'un personaxe nun filme. El planu secuencia del final y la escena de la persecución nes alcantarielles de Viena son igualmente memorables.
.jpg)
Repartu editar
- Carol Reed: Narrador (versiones britániques)
- Joseph Cotten: Holly Martins
- Alida Valli: Anna Schmidt
- Orson Welles: Harry Lime
- Trevor Howard: Mayor Calloway
- Bernard Lee: Sarxentu Paine
- Wilfrid Hyde-White: Crabbin
- Erich Ponto: Dr. Winkel
- Ernst Deutsch: Baron Kurtz
- Siegfried Breuer: Popescu
- Paul Hörbiger: Karl, porteru de Harry Lime
- Hedwig Bleibtreu: Casera d'Anna
- Robert Brown: Policía militar británicu
- Alexis Chesnakov: Brodsky
- Herbert Halbik: Hansl
- Paul Hardtmuth: Porteru de Sacher
- Geoffrey Keen: Policía militar británicu
- Eric Pohlmann: Camareru
- Annie Rosar: Esposa del porteru Karl
Estilu editar
Una calterística clave d'El tercer home ye l'usu por Robert Krasker d'una cinematografía espresionista, con illuminación duro y ángulos inusuales de la cámara. En combinación cola única temática musical, llugares decadentes y les aclamaes interpretaciones de los actores, l'estilu evoca l'atmósfera d'una Viena de posguerra nel iniciu de la Guerra Fría. La magnífica fotografía en blancu y negru enseña llugares de la capital austriaca como la Noria de del Prater o les cloaques vieneses, marcu de la famosa escena de la persecución final.
Premios y candidatures editar
Premios editar
Premiu Oscar 1950:
- a la meyor fotografía en blancu y negru (Robert Krasker)
Premiu BAFTA 1949:
- a la meyor película británica
Premiu del Festival de Cannes 1949:
- Gran Premiu (Carol Reed)
Candidatures editar
Premiu Oscar 1950:
- al meyor direutor (Carol Reed)
- al meyor montaxe (Oswald Hafenrichter)
Premiu BAFTA 1949:
- al meyor filme de cualquier orixe
Premiu Directors Guild of America 1949:
- a la estraordinaria prestación en direición – cine (Carol Reed)
Referencies editar
- ↑ URL de la referencia: http://stopklatka.pl/film/trzeci-czlowiek. Data de consulta: 28 abril 2016.
- ↑ URL de la referencia: http://www.filmaffinity.com/en/film357391.html. Data de consulta: 28 abril 2016.
- ↑ 3,0 3,1 Afirmao en: AFI Catalog of Feature Films. Identificador AFI: 27593. Data de consulta: 24 mayu 2020.
- ↑ Afirmao en: Lexikon des internationalen Films. Llingua de la obra o nome: alemán. Editorial: Zweitausendeins.
- ↑ «Internet Movie Database» (inglés). Consultáu'l 23 abril 2022.
- ↑ 6,0 6,1 6,2 6,3 6,4 Afirmao en: The Third Man. Data d'espublización: 2 setiembre 1949.
- ↑ URL de la referencia: http://www.allocine.fr/film/fichefilm_gen_cfilm=1826.html. Data de consulta: 28 abril 2016.
- ↑ 8,0 8,1 URL de la referencia: http://www.cinemarx.ro/filme/The-Third-Man-Al-treilea-om-20368.html. Data de consulta: 28 abril 2016.
- ↑ 9,00 9,01 9,02 9,03 9,04 9,05 9,06 9,07 9,08 9,09 9,10 9,11 URL de la referencia: http://www.imdb.com/title/tt0041959/fullcredits. Data de consulta: 28 abril 2016.
- ↑ Data de consulta: 3 avientu 2016. URL de la referencia: http://kuenste-im-exil.de/KIE/Content/EN/Persons/michie-helga-en.html.
- ↑ 11,0 11,1 11,2 11,3 Afirmao en: ČSFD. Llingua de la obra o nome: checu. Data d'espublización: 2001.
- ↑ Afirmao en: film distribution certificate database. Certificado de distribución cinematográfica: 9367.
Enllaces esternos editar
Datos: Q271830
Multimedia: The Third Man (1949 film)
Cites famoses: El tercer hombre
