Elizabeth Hartman
Elizabeth Hartman (23 d'avientu de 1943, Youngstown (es) 
– 10 de xunu de 1987, Pittsburgh), foi una actriz de cine, teatru y televisión d'Estaos Xuníos.
Elizabeth Hartman | |
|---|---|
.jpg) | |
| Vida | |
| Nacimientu |
Youngstown (es) , 23 d'avientu de 1943[1] |
| Nacionalidá |
 Estaos Xuníos |
| Muerte | Pittsburgh, 10 de xunu de 1987[1] (43 años) |
| Causa de la muerte |
caída (es) |
| Familia | |
| Casada con | Gill Dennis (1968 – 1984) |
| Estudios | |
| Estudios |
Boardman High School (en) Universidá Carnegie Mellon |
| Llingües falaes | inglés |
| Oficiu | actriz de cine, actriz de teatru, actriz de voz, actriz de televisión |
| Nominaciones |
ver
|
| IMDb | nm0366946 |
 | |
Biografía
editarHartman nació en Youngstown, Ohio, dándose conocer col llamatu de "Biff" Hartman a los veceros de la Playhouse d'esa llocalidá. Estudió na Universidá de Carnegie-Tech nos años '60. Dempués de ganar una pervalible esperiencia nel teatru comuñal, treslladóse a New York City. En 1964, robló pa interpretar a la protagonista inocente de la comedia Broadway, Everybody Out, the Castle is Sinking.
Carrera
editarEn 1964, la nueva actriz foi a una prueba de cámara echa pola MGM y la Warner Brothers. A principios de la seronda d'esi mesmu añu ufiertóse-y un papel de bien importante nel filme A Patch of Blue, xunto a Sidney Poitier y Shelley Winters. El papel ganó-y una amplia aclamación crítica, un fechu orgullosamente reparáu pelos medios de comunicación na so ciudá natal. El papel tamién ganó una nominación a los Óscar a la Meyor Actriz. Nel momentu del so nomamientu en 1966, Hartman (quien tenía 22 años d'edá) foi la persona más nueva nomada dalguna vegada na categoría de Meyor Actriz. Esi mesmu añu, recibió un premiu polos sos llogros de l'Asociación Nacional de Propietarios de Teatru.
Gracies a trabayos posteriores convirtióse nuna veradadera estrella, en films como The Group, You're a Big Boy Now y The Beguiled. Al papel de la esposa del ex Xérif Buford Pusser en Walking Tall en 1973 foi-y siguíu una década más tarde por un doblaxe de la película de 1982, The Secret of NIMH, na qu'emprestó la so voz a para murar/heroína, la señora "Brisby". Este resultó ser el so últimu papel cinematográficu de Hollywood.
En 1975, protagonizó la premiada obra por Academia y los Premios Emmy, Balaam, de Tom Rickman, una obra sobre les intrigues polítiques en Washington, DC. La so coestrella foi'l veteranu actor Peter Brandon, con papeles secundarios interpretaos por Howard Whalen y Ed Harris. Foi dirixida pol home de Hartman, Gill Dennis y producíu por Duane Waddell.[2]
Filmografía
editar- 1965: A Patch of Blue como Selina D'Arcey.
- 1965: A Cinderella Named Elizabeth (curtiumetraxe).
- 1966: The Group como Priss
- 1966: You're a Big Boy Now como Barbara Darling.
- 1968: The Fixer como Zinaida
- 1970: Pursuit of Treasure
- 1971: The Beguiled como Edwina Dabney.
- 1973: Walking Tall como Pauline Pusser.
- 1973: Intermission
- 1981: Full Moon High como Sra. Montgomery.
- 1982: The Secret of NIMH como Sra. Brisby (Voz)
Televisión
editar- 1971: Night Gallery como Judith Timm.
- 1973: Love, American Style como Wilma More.
- 1975: Wide World Mystery como Camiya.
- 1975: Doctors' Hospitalcomo Bobbie Marks.
- 1980: Willow B: Women in Prison como Helen.
Teatru
editar- Our Town
- The Glass Menagerie
- The Madwoman of Chaillot
- Bus Stop
- Beckett
- Morning's at Seven
Gallardones y nominaciones
editar- Premios Globu d'Oru a la meyor actriz revelación pol filme A Patch of Blue - Ganadora
- Premiu Óscar a la meyor actriz pol filme A Patch of Bluel - Nomada
- Premiu Globu d'Oru a la meyor actriz dramática pol filme A Patch of Blue - Nomada
- Premiu Globu d'Oru a la meyor actriz de musical y/o comedia pol filme You're a Big Boy Now - Nomada[3]
- Ganó como "Actriz del Añu" nel festival de cine d'Ohio pola reproducción de la fráxil "Laura" na obra The Glass Menagerie.
Vida privada
editarTuvo casáu per dellos años col guionista Gill Dennis, del cual divorcióse en 1984 dempués d'una separación de cinco años.
Suicidiu
editarElizabeth Hartman suicidóse'l 10 de xunu de 1987, en saltando dende la ventana del so apartamentu del quintu pisu. Esa mesma mañana, llamara al so psiquiatra diciéndo-y que se sentía con baxa autoestima. Nuna entrevista supo dicir:
"Hai coses que nos pasen que nun tamos preparaos pa enfrentar. Cuando los problemes asoceden, la vida da un pasu al empar, d'un momentu a otru, hasta que s'acostuma al so manexu, siendo responsables de nueses mesmes decisiones.[4]"
A lo llargo de gran parte de la so vida, l'actriz sufría d'una fonda depresión. Nos sos últimos años, la so salú mental deterioróse demasiáu y camudóse a Pittsburgh, Pennsylvania pa tar más cerca de la so familia. Nos últimos años de la so vida, arrenunció a actuar en xunto y a trabayar nun muséu en Pittsburgh mientres recibía tratamientu pa la so enfermedá nuna clínica pa pacientes ambulatorios. Los sos restos fuelguen nel campusantu de Forest Lawn Memorial Park na so ciudá natal. Tenía 43 años.
Referencies
editar- ↑ 1,0 1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ en:Elizabeth Hartman
- ↑ https://www.imdb.com/name/nm0366946/
- ↑ https://www.imdb.com/name/nm0366946/bio
Enllaces esternos
editar
Wikimedia Commons acueye conteníu multimedia sobre Elizabeth Hartman.- Elizabeth Hartman na Internet Movie Database (n'inglés)
- Elizabeth Hartman na Internet Broadway Database (n'inglés)
- Elizabeth Hartman n'AllMovie (n'inglés)
- «Elizabeth Hartman». en Find a Grave. (n'inglés)
Datos: Q266451- Multimedia: Elizabeth Hartman
