Ella Hall
Ella Hall (17 de marzu de 1896, Hoboken (es) 
– 3 de setiembre de 1981, Los Angeles) foi una actriz cinematográfica d'Estaos Xuníos, activa na dómina del cine mudu. A lo llargo de la so carrera, actuó en 90 producciones estrenaes ente 1912 y 1933. Foi la madre de los actores Ellen Hall y Richard Emory.
Ella Hall | |
|---|---|
 | |
| Vida | |
| Nacimientu |
Hoboken (es) , 17 de marzu de 1896[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 3 de setiembre de 1981[1] (85 años) |
| Familia | |
| Casada con | Emory Johnson |
| Fíos/es | Ellen Hall |
| Estudios | |
| Llingües falaes | inglés |
| Oficiu | actriz, actriz de cine, actriz de teatru |
| IMDb | nm0355550 |
 | |
Biografía
editar
El so nome completu yera Ella August Hall, y nació en Nueva York, camudándose a Hollywood, California, nos primeros tiempos del cine mudu con cuenta de consiguir empecipiar una carrera como actriz. La so madre yera May Hall (1877–1962)[2], una actriz que nunca llegó a algamar la notoriedá. Hall tuvo de volao casada col actor Emory Johnson, col que tuvo dos fíos, l'actriz de serie B Ellen Hall y l'actor Richard Emory.
El primer papel protagonista d'Ella Hall llegó en 1913 con Memories. A partir d'entós la so carrera desapegó, actuando en 37 películes ente 1913 y el final de 1914. Fixo otres 39 interpretaciones dende 1915 a 1919, nun volviendo recibir trabayu hasta 1921. La so carrera había perdíu ritmu nesos dos años, y solamente volvería actuar n'otros siete cintes. La so película más conocida foi The Flying Dutchman, estrenada en 1923, que tamién sería la so última producción muda.
Tuvo un papel menor, ensin creitos, nel filme de 1930 de Cecil B. DeMille Madam Satan, actuando per última vegada en 1933 con The Bitter Tea of General Yen.
Ella Hall finó en Los Angeles, California, en 1981. Foi soterrada nel Campusantu Forest Lawn Memorial Park de Glendale (California).
Seleición de la so filmografía
editar
- The Master Key (1914)
- Secret Love (1916)
- Which Woman? (1918)
- Three Mounted Men (1918)
- The Great Reward (1921)
- The Third Alarm (1922)
Referencies
editarEnllaces esternos
editar
Wikimedia Commons acueye conteníu multimedia sobre Ella Hall.- Ella Hall na Internet Movie Database (n'inglés)
- Ella Hall en Find a Grave
- Ella Hall en Fandango.com
- Ella Hall en Silent Ladies
