Ellen Swallow Richards
Ellen Henrietta Swallow Richards (3 d'avientu de 1842, Dunstable (es) 
– 30 de marzu de 1911, Boston) foi una química y ecóloga d'Estaos Xuníos. Foi una de los fundadores de la "hixene ambiental" precursora de la ciencia ecolóxica moderna. Ellen dedicó más d'una década de la so vida a que les muyeres pudieren estudiar carreres universitaries, nel área de les ciencies naturales, n'Estaos Xuníos.
Ellen Swallow Richards | |
|---|---|
 | |
| Vida | |
| Nacimientu |
Dunstable (es) [1], 3 d'avientu de 1842[2] |
| Nacionalidá |
 Estaos Xuníos |
| Residencia |
Jamaica Plain (es) |
| Llingua materna | inglés |
| Muerte | Boston, 30 de marzu de 1911[2] (68 años) |
| Sepultura |
Christ Church Cemetery (en) |
| Familia | |
| Casada con | Robert Hallowell Richards (1875 – )[3] |
| Estudios | |
| Estudios |
Institutu Teunolóxicu de Massachusetts Vassar College Academia Westford (es) |
| Llingües falaes | inglés |
| Oficiu |
química, profesora universitaria, economista, ecóloga, ambientalista, escritora, meteorological observer (en) |
| Emplegadores | Institutu Teunolóxicu de Massachusetts |
| Premios |
ver
|
| Influyencies | Maria Mitchell |
 | |
 | |
Primeros años
editarLos padres de Ellen Swallow, Peter Swallow y Fanny Taylor yeren los dos profesores, llabradores y amás teníen una pequeña tienda nel pueblu. Ellen nun cuntaba con muncho tiempu p'allegar a la escuela, porque tenía que sofitar los negocios de los sos padres. Sicasí, Ellen a partir de 1859 tomó cursos universitarios de matemátiques, francés y llatín. Col fin de poder pagar la so educación, Ellen trabayaba como maestra d'escuela, llimpiaba cases y faía tutoríes. Amás tamién atendía a la so madre que taba enferma.
Estudios en Vassar College
editarHasta que Ellen cumplió recién 25 años cuntó col dineru abondo, $300 dólares, pa poder inscribise nel prestixosu Vassar College, una de les poques instituciones d'aquellos tiempos qu'aceptaben a muyeres. Ellen estudió astronomía y química, ente otres coses. Foi alumna de Maria Mitchell.
Estudios en MIT
editarEllen Swollow graduóse 1870 nel Vassar College y darréu treslladóse al Institutu de Teunoloxía de Massachusetts (MIT). Foi la primer muyer qu'estudio nel MIT y tamién la primer muyer qu'aceptada nuna universidá de ciencies n'Estaos Xuníos. Dempués de graduase siguió nel MIT cola esperanza de doctorase pero nun-y foi dexáu. La primer muyer que llogró un doctoráu nel MIT tuvo qu'esperar hasta 1886.
En 1875 Ellen casóse col profesor de metalurxa de la MIT, Robert H. Richards (1844-1945). Robert H. Richards yera dos años menor qu'ella. Dambos sofitaben enforma nos sos intereses y nel so trabayu.
Vida Llaboral
editarDempués de graduase nel MIT, Ellen Richards sofito la fundación del Women's Laboratory, un programa pa muyeres nel MIT. El llaboratoriu de muyeres abrió les sos puertes en 1876, col profesor John M. Ordway como encargáu, Richards yera l'asistente. Ellen tomo'l cargu d'instructora de química y mineraloxía nel Llaboratoriu hasta'l so zarru en 1883.}
Les muyeres nun llograron autorización pa estudiar una carrera regular nel MIT hasta 1883. Polo tanto Ellen Richards llogró al traviés del so llabor que les muyeres puedan estudiar les ciencies naturales nel MIT.
Dende 1887 d'equí p'arriba a Ellen Richards asignóse-y per parte d'autoridaes sanitaries estauxunidenses el trabayu de llaboratoriu d'un estudiu total del suministru d'agua n'Estaos Xuníos. Esto llevo a qu'en 1890 estableciérase un programa de Sanitary engineering (Inxeniería Sanitaria) nel MIT. Como profesora Ellen Richards enseñába-yos a los so alumnáu l'analís d'agua potable, agües residuales y l'aire.
Amás de les sos actividaes llaborales Ellen Richards y el so maríu sofitaron viviegamente mientres cuasi un cuartu de sieglu a nueves muyeres que taben interesaes nel estudiu de les ciencies naturales.
Delles publicaciones
editar- ellen Richards. (1898) Estes and Lauriat, (1885); Home Science Publishing Co.: Food materials and their adulterations..
- -------------------. (1899) Home Science Publishing Co.: Plain words about food: the Rumford kitchen leaflets 1899..
- -------------------. 1904. First lessons in food and diet. Boston: Whitcomb & Barrows
- -------------------. 1905. The Cost of shelter. New York: J. Wiley & Sons ISBN 1-4142-3012-5
- -------------------. 1906?. Meat and drink. Boston: Health-Education League
- -------------------. ca. 1908. Richards, Ellen. The Efficient worker. Boston: Health-Education League
- -------------------. ca. 1908. Health in llabor camps. Boston: Health-Education League
- -------------------. 1908 o 1909. Tonics and stimulants. Boston: Health-Education League
- -------------------. 1914. Air, water, and food: from a sanitary standpoint. 4ª ed. rev. y reescritu. New York: J. Wiley & Sons
- -------------------. Euthenics: The Science of Controllable Environment : A Plea for Better Conditions As a First Step Toward Higher Human Efficiency (Public health in America) ISBN 0-405-09827-8
- -------------------. 2007. Obra compilada en 5 volumes Ed. Kazuko Sumida. Tokiu: Ed. Synapse, ISBN 978-4-86166-048-1
Referencies
editar- ↑ URL de la referencia: https://en.wikisource.org/wiki/Woman_of_the_Century/Ellen_Henrietta_Richards.
- ↑ 2,0 2,1 Afirmao en: SNAC. Identificador SNAC Ark: w6s4706p. Apaez como: Ellen Swallow Richards. Data de consulta: 9 ochobre 2017. Llingua de la obra o nome: inglés.
- ↑ Afirmao en: Notable American Women, 1607-1950: a Biographical Dictionary. Autor: Paul Boyer. Data d'espublización: 1971.
- ↑ URL de la referencia: https://www.womenofthehall.org/inductee/ellen-swallow-richards/.
- ↑ Ellen Swallow Richards, MIT Institute Archives & Special Collections (n'inglés). Consultáu'l 4 de xineru de 2012. .
- ↑ Ellen H. Swallow Richards, Chemical Heritage Foundation (n'inglés). Consultáu'l 4 de xineru de 2012. .
- ↑ Ellen Swallow, Frauen Biographie Froschung (n'alemán). Consultáu'l 4 de xineru de 2012. .
- ↑ Ellen Swallow Richards Archiváu 2012-05-08 en Wayback Machine, Uni Protokolle (n'alemán). Consultáu'l 4 de xineru de 2012. .
Enllaces esternos
editar
Wikimedia Commons acueye conteníu multimedia sobre Ellen Swallow Richards.- Webarchivo 20101221031414 Permanente Ausstellung am MIT über Ellen Swallow Richards (archivo versión) Archiváu 2010-12-21 en Wayback Machine
- FemBiographie
- Ellen Swallow Richards: Die heimliche Begründerin der Ökologie (1842-1911) Archiváu 2020-05-28 en Wayback Machine
Datos: Q7273- Multimedia: Ellen Swallow Richards
