Emma Cabal
Emma Cabal Sánchez (1968, Uviéu) ye una escritora y profesora asturiana.
Emma Cabal | |
|---|---|
,_foto_de_As%C3%ADs_G._Ayerbe.jpg) | |
| Vida | |
| Nacimientu | Uviéu, 1968 (55/56 años) |
| Nacionalidá |
 España |
| Estudios | |
| Estudios | Universidá d'Uviéu |
| Llingües falaes | castellanu |
| Oficiu | poeta, profesora, escritora |
 | |
Biografía
editarEscribió los sos primeros cuentos y poemes de neña, yá nel colexu. Llicencióse en Filoloxía Hispánica na Universidá d'Uviéu ya enseñó clases de Llingua y Lliteratura n'institutos d'educación secundaria d'Asturies.
Empezó a publicar los sos poemes n'internet, con testos que traten sobro amor, el sexu, el deséu, la llocura o la maternidá, ente otros asuntos.[1] El so estilu coloquial, tresparente y direutu, foi calificáu pol escritor Ape Rotoma como un exemplu de poesía desnuda.[2][3] Dalgunos de los poetes que más influyeron n'ella son Karmelo C. Iribarren, Amalia Bautista, Roger Wolfe o Luis Alberto de Cuenca.[1]
Participó en numberosos recitales y alcuentros poéticos, ente otros en Voces del Extremo (Logroño, 2016) o nel Festival de Poesía Voix Vives (Toledo, 2015, 2016 y 2017).[4][5][6]
Poemes
editarEspublizó'l so primer llibru de poemes en 2015 sol títulu La mujer que tengo más a mano (Canalla Ediciones).[7] El títulu ye una alusión a una fras de Miguel de Unamuno y quier sorrayar el conteníu autobiográficu de los testos.[1]
El so segundu poemariu, No quiero estar allí cuando suceda (Canalla Ediciones, 2017), caltién la llinia poética del anterior. Cuenta con prólogu d'Antonio García y epílogu de Lorena Villamil.
Referencies
editar- ↑ 1,0 1,1 1,2 Pablo Areces: «Los profesores también escriben (entrevista a Emma Cabal por cuenta de la publicación del so primer llibru) Archiváu 2018-03-18 en Wayback Machine», Alfonso 2 [revista dixital del IES Alfonso II d'Uviéu], 18 de payares de 2015.
- ↑ Llanos López (2017).
- ↑ Ape Rotoma: «Prólogo» a La mujer que tengo más a mano. Madrid: Canalla Ediciones; páx. 14.
- ↑ Programa del Festival Voix Vives (2015), consultáu'l 2 d'avientu de 2021.
- ↑ Programa del Festival Voix Vives (2016), consultáu'l 2 d'avientu de 2021.
- ↑ Programa del Festival Voix Vives (2017), consultáu'l 2 d'avientu de 2021.
- ↑ «Emma Cabal presenta su nuevo poemario» (castellán) (30 de xunetu de 2015).
Enllaces esternos
editar
Wikimedia Commons acueye conteníu multimedia sobre Emma Cabal.
Datos: Q50691190- Multimedia: Emma Cabal
