Emmi Pikler
Emmi Pikler (9 de xineru de 1902, Viena – 6 de xunu de 1984, Budapest) foi una médicu formada en Viena que s'instaló como pediatra en Budapest nos años 1930. La so visión del neñu pequeñu - un ser activu, competente, capaz d'iniciatives - llévalu a convencer a les families qu'ella acompaña de lo fayadizo del desenvolvimientu motor autónomu y de la importancia d'una actividá autu-inducida y conducida pol neñu mesmu. Atenta igualmente a la dimensión relacional, amuesa como vivila nos momentos de cuidos, nun compartir íntimu y fondu ente l'adultu y el neñu.
Emmi Pikler | |
|---|---|
 | |
| Vida | |
| Nacimientu | Viena[1], 9 de xineru de 1902[2] |
| Nacionalidá |
 Hungría |
| Muerte | Budapest[3], 6 de xunu de 1984[2] (82 años) |
| Sepultura |
Cementerio de Farkasrét (es)  [4] |
| Familia | |
| Casada con | György Péter |
| Oficiu | pediatra, psiquiatra |
| Premios |
ver
|
 | |
En 1946 confiar a Emmi Pikler la responsabilidá d'una casacuna en Budapest (llamáu anguaño Institutu Pikler). Na mesma llinia del so trabayu coles families, (ella) busca'l mediu d'ufiertar a los pequeños qu'ende se críen una esperiencia de vida que caltenga'l so desenvolvimientu y evite les faltes dramátiques que puede crear l'ausencia d'un llazu significativu colos padres.
Na casacuna de la cai Lóczy va nacer asina una manera d'encargase de los neños pequeños orixinal ya innovador. Ensin buscar reproducir la rellación maternal, proyeutu baldíu nuna institución - Emmi Pikler y les sos collaboradores van dexar a los neños establecer venceyos templaos coles sos cuidadores, gracies a una atención esclusiva ufiertada a cada unu mientres los cuidos, a una coherencia na vida cotidiana, a una estabilidá de los adultos y a les respuestes finamente afeches a les necesidaes individuales.
Un gran enfotu ta puesta na capacidá de cada neñu a desenvolvese nestes condiciones pola so propia actividá, siguiendo los sos propios intereses. L'actividá autónoma ye la regla, sostenida pola rellación establecida colos adultos. Gracies a esta actividá y a este sostén, el neñu percíbese como competente, dignu d'atención, reconocíu na so individualidá. En resume, él ellabora un enfotu en sí mesmu que-y dexa crecer armoniosamente.
Numberoses investigaciones fueron y son inda llevaes a cabu pol equipu de Lóczy, al cual débense-y publicaciones y filmes. Emmi Pikler dirixó hasta 1979 l'Institutu que lleva agora'l so nome. Finó en 1984. Güei, más de cien años dempués de la nacencia de la so fundadora, l'Institutu Pikler sigui acoyendo neños cola mesma rigurosidad y la mesma esmolición nel so bienestar, cola mesma voluntá incansable d'ufiertar a caúnu lo que precisa.
Bibliografía
editar- Myriam David, Geneviéve Appell. Lóczy ou le Maternage Insolite. Paris , Ed. Scarabée, 1973
- Emmi Pikler. Se mouvoir en lliberté dès le premier âge. París, P.O.F, 1979
- Emmi Pikler. Movese en llibertá: desenvolvimientu de la motricidad global. Madrid, Ed. Narcea, 2000
- Bernard Martino . Les Enfants de la colline des roses : Lóczy, une maison pour grandir. Lattès , 2001
- Agnès Szanto-Féder (so la direición de). Loczy: un nouveau paradigme ?. París, P.O.F, 2002
Referencies
editar- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 29 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://epa.oszk.hu/00000/00003/00030/adattar.html.
Enllaces esternos
editar- Asociación Pikler-Lóczy de Francia
- Asociación Internacional Pikler (Lóczy)
- Pikler/Lóczy Fund USA
- Information and Pikler Playgroups in Vienna Archiváu 2017-10-14 en Wayback Machine
- Bibliografía relacionada con Emmi Pikler nel catálogu de la Biblioteca Nacional d'Alemaña.
Datos: Q469559
Multimedia: Emmi Pikler
