Enrique Truan
Enrique Truan Álvarez (1905, Xixón – 1995) foi un pianista y compositor asturianu.
Enrique Truan | |
|---|---|
| Vida | |
| Nacimientu | Xixón, 1905[1] |
| Nacionalidá |
 España |
| Muerte | 1995[1] (89/90 años) |
| Estudios | |
| Llingües falaes | castellanu |
| Oficiu | compositor |
 | |
So padre, Luis Antonio Truan Vaamonde, yera descendiente d'una familia suiza afincada n'Asturies y que tendría una importancia grande na vida empresarial y cultural de Xixón, y so madre, Petronila Álvarez-Menéndez Valdés, d'ascendencia asturiana. Precisamente so madre, gran aficionada a la música y con conocimientos de piano, sería fundamental na vocación d'Enrique. Otra persona importante foi Modesta Díaz, profesora de piano, yá que foi la persona qu'animó a la Petronila pa que'l so fíu se dedicare con intensidá a la música.
Les actividaes industriales del padre faen que la familia se tresllade a Barcelona nel añu 1918, permaneciendo nesa ciudá hasta la muerte d'ésti que tien llugar en 1926, anque Enrique quedó hasta 1931. Esta ye la razón de que Barcelona seya una ciudá importante na formación musical del maestru, yá qu'esta ciudá tenía una vida musical con munchu puxu nos años 20 y 30.
Depués de la proclamación de la República, Enrique Truan decide tornar a Xixón, pero primero pasó dos años en Madrid, onde se dedicó a dar clases y a acompañar al tenor José Riera, asina como a participar na vida cultural de la capital.
Debido a lo menguao de la so obra, la so presentación en Xixón nun tien llugar hasta'l 2 de xunetu de 1947 nun conciertu entamáu pola Sociedad Filarmónica Gijonesa. Ye a partir d'esi momentu cuando entama a dirixir la Escuela de Música de la ciudá, xera que llevará a cabu hasta la so xubilación en 1970.
Enrique Truan morrió en Xixón el 1 d'agostu de 1995.
Esbilla de títulos editar
- Danza de la gitana y de la muerte
- Homenaje a Falla
- Cantar de siesta
- Molinera
- El miraglo de Albelda
- Misa de gaita
- Mi patria querida, Asturias
Referencies editar
- ↑ 1,0 1,1 Afirmao en: Faceted Application of Subject Terminology. Identificador FAST: 412288. Apaez como: Enrique Truan. Data de consulta: 9 ochobre 2017.
Enllaces esternos editar
Datos: Q5198376
