Eric Burdon

Eric Victor Burdon (11 de mayu de 1941, Walker ^(es) ) ye un cantante británicu de blues, rhythm and blues y rock. Fízose famosu como líder de The Animals y del grupu de funk rock War, antes d'empecipiar la so carrera como solista. Foi incluyíu por Rolling Stone nel puestu 57º de la so llista de los 100 meyores cantantes de tolos tiempos.

Eric Burdon
Vida
Nacimientu	Walker (es) , 11 de mayu de 1941 (83 años)
Nacionalidá	Reinu Xuníu
Llingua materna	inglés
Familia
Casáu con	Marianna Proestou (en)
Fíos/es	3
Estudios
Llingües falaes	inglés
Oficiu	cantante, compositor de cantares, artista d'estudiu
Miembru de	The Animals War Eric Burdon & the Animals
Xéneru artísticu	rock blues blues rock Rhythm and blues funk rock (es) rock psicodélico (es) hard rock heavy metal tradicional rock latino (es) jazz fusión (es) rock and roll
Mena de voz	Barítonu
Instrumentu musical	voz
Discográfica	SPV GmbH (es) Columbia Records Decca Records
IMDb	nm0121007
ericburdon.ning.com

Eric Burdon n 1973

Biografía

Foi miembru fundador y vocalista de The Animals, banda orixinalmente formada en Newcastle nos primeros años sesenta. Burdon cantó munchos clásicos de los Animals como "The House of the Rising Sun", "Good Times", "Don't Let Me Be Misunderstood", "Bring It On Home to Me" y "We Gotta Get Out of this Place". El teclista Alan Price y el batería John Steel, miembros orixinales de Animals, abandonaron la banda, y fueron reemplazaos por Dave Rowberry y Barry Jenkins, respeutivamente. En 1966, los miembros restantes Chas Chandler y Hilton Valentine coláronse del grupu, sacante Barry Jenkins y Burdon, y la banda camudó'l so nome pol de Eric Burdon and the Animals. A esti grupu xuniéronse-y el futuru miembru de Family John Weider y el futuru guitarrista de The Police Andy Summers. Esta nueva formación tuvo ésitos con cantares como "When I Was Young", "Sky Pilot" y "Monterey". Esta unión duró hasta 1969, tuvo grandes cambeos na formación y camudó el so nome Eric Burdon and the Animals pol de Eric Burdon and the New Animals. Cuando los New Animals fuéronse, Burdon xunió fuercies col grupu funky de Los Angeles War. L'álbum Eric Burdon Declares War creó clásicos como "Spill The Wine" y "Tobacco Road". En 1971 Burdon empezó la so carrera en solitariu.

Burdon volvió xunise colos otros Animals orixinales en 1976 y 1983, pero esta unión acabó llueu. Aun así, na xunta de 1983 publicóse'l single The Night, que fuera ignoráu nes llistes de ventes. Burdon dirixó aunos cuantos grupos llamaos Eric Burdon Band o dalguna variación asemeyada, con constantes cambeos na formación. La so popularidá fíxose más fuerte na Europa continental que nel Reinu Xuníu o nos Estaos Xuníos. Anguaño sigue grabando y dando conciertos, en solitariu o al mandu d'otra versión de Eric Burdon and the Animals. En 1990, un nuevu Eric Burdon and the Animals grabó una versión del single Sixteen Tons, de Merle Travis, pa la película Joe Versus the Volcano, en que los sos creitos iniciales apaeció.

Versiones

El cantante de heavy metal Ozzy Osbourne incluyó un cover del so cantar Good Times nel discu Under Cover, xunto con otros 13 temes (non toos de Eric Burdon).

Discografía

• The Animals – 1964
• The Animals On Tour – 1965
• Animal Tracks – 1965
• Animalisms – 1966
• Animalization – 1966
• Animalism – 1966
• Eric Is Here – 1967
• Winds of Change – 1967
• The Twain Shall Meet – 1968
• Every One of Us – 1968
• Love Is – 1968
• Eric Burdon Declares "War" – 1970
• The Black Man's Burdon – 1970
• Guilty! – 1971
• Sun Secrets – 1974
• Stop – 1975
• Love Is All Around – 1976
• Before We Were So Rudely Interrupted – 1977
• Survivor – 1977
• Darkness Darkness – 1980
• The Last Drive – 1980
• Comeback – 1982
• Ark – 1983
• Power Company – 1983
• I Used To Be An Animal – 1988
• Lost Within The Halls of Fame – 1995
• My Secret Life – 2004
• Soul of a Man – 2006
• 'Til your River Runs Dry – 2013

Referencies

• Datos: Q44648
• Multimedia: Eric Burdon