Escudu d'Asturies
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
L'Escudu del Principáu d'Asturies adoptose'l 27 d'abril de 1984.
 Escudu d'Asturies | |
|---|---|
.svg) | |
| Datos | |
| Estáu | España |
| Propietariu | Principáu d'Asturies |
| Fecha d'adopción | 27 d'abril de 1984 |
| Lema | HOC SIGNO TVETVR PIVS - HOC SIGNO VINCITVR INIMICVS |
 | |
Ye rectangular, cuadrilongu y colos estremos del llau inferior redondeaos y una punta o ángulo saliente nel centru d'esi llau, cola proporción de seis d'altu por cinco d'anchu.
Sobre un fondu azul tien la Cruz de la Victoria. Nel escudu puede lleese "HOC SIGNO TVETVR PIVS - HOC SIGNO VINCITVR INIMICVS" (con esti emblema defiéndese al piadosu - con esti emblema véncese al enemigu).
Según la llei que lu regula, l'escudu nun podrá ser utilizáu como símbolu d'identificación por nenguna otra institución pública o privada que nun sea'l Principáu d'Asturies. Nun s'almite nengún usu que vaya en menoscabu de la so alta significación.
Utilización del escudu editar
L'escudu tien qu'apaecer por llei nos siguientes casos:
- Los documentos que contienen les lleis de la Xunta Xeneral que promulga'l Presidente del Principáu d'Asturies en nome del Rei d'España.
- Los documentos, impresos, sellos y membretes d'uso oficial de la Comunidá Autónoma.
- Les publicaciones oficiales del Principáu d'Asturies.
- Los distintivos oficiales usaos poles autoridaes de la Comunidá Autónoma.
- Los títulos acreditativos de les condecoraciones.
- Los diplomes o títulos de cualquier clase espedíos por autoridaes de la Comunidá.
- Los edificios y establecimientos de l'Alministración Autónoma asturiana.
Ver tamién editar
Referencies editar
Enllaces esternos editar
Datos: Q1613370
Multimedia: Coats of arms of Asturias
