Escudu de Santu Tomé y Príncipe

L'escudu d'armes de Santu Tomé y Príncipe apaez descritu nel artículu 14 de la Constitución del país.

Escudu de Santu Tomé y Príncipe
Datos
Estáu	Santu Tomé y Príncipe
Propietariu	Santu Tomé y Príncipe
Fecha d'adopción	1975

Nesti escudu figura, nun campu d'oru (mariellu o doráu), una palmera nos sos colores naturales. Timbra un burelete d'plata (blancu o buxu) y d'oru surmontáu por una estrella de cinco puntes d'azur (azul).

Sostienen l'escudu un halcón y un papagayu. Na so parte superior apaez, escritu nuna cinta, el denomatu oficial del país en portugués: "República Democrática de São Tomé e Príncipe" ("República Democrática de Santu Tomé y Príncipe").

Na parte inferior del escudu d'armes figura, tamién escritu nuna cinta, el llema nacional: "Unidade, Disciplina, Trabalho" ("Xunidá, Disciplina, Trabayu").

Ver tamién

• Bandera de Santu Tomé y Príncipe

Enllaces esternos

• Wikimedia Commons acueye conteníu multimedia sobre Escudu de Santu Tomé y Príncipe.

• Datos: Q244996
• Multimedia: Coats of arms of São Tomé and Príncipe