Escudu de Villayón

L'escudu de Villayón (Asturies) preséntase mediu partíu y curtiáu.

Escudu de Villayón
Datos
Estáu	España
Propietariu	Villayón

• Nel primer cuartel partíu so campu d'azur, adicamos una banda d'oru, engolada en dragantes del mesmu material.

• El segundu cuartel partíu, amuésanos so campu d'azur, un castiellu almenáu so ondes, mazonáu de sable y esclariáu d'azur.

• El tercer cuartel curtiáu, enséñanos tres vaques d'oru.

Al timbre la corona real d'Asturies.

Los dos primeros cuarteles faen referencia a Navia, a la que perteneció'l territoriu per sieglos. Presenta les armes del so escudu, anque camudaos d'orde. El tercer cuartel fai referencia a la doyura ganadera que siempres tevo'l conceyu, tomando la corporación dicho emblema de la representación que los historiadores Bellmunt y Canella fixeron pal conceyu na realización de la so obra "Asturias", cola única salvedá de qu'éstos namái poníen dos vaques nel mediu partíu d'abaxo. A día de güei l'ayuntamientu emplega l'emblema ensin que se conoza sanción llegal pa tal efeutu.

Ver tamién

• Escudos d'Asturies

Enllaces esternos

• Datos: Q8778101