Ignacio Prendes
José Ignacio Prendes Prendes (22 de febreru de 1965, Xixón), tamién conocíu como Nacho Prendes, ye un abogáu y políticu asturianu, exdiputáu de la Xunta Xeneral del Principáu d'Asturies por UPyD y actual diputáu nes Cortes Xenerales por C's.
Ignacio Prendes | |||||||
|---|---|---|---|---|---|---|---|
 | |||||||
20 mayu 2019 - Distritu: Asturies Eleiciones: eleiciones al Congresu de los Diputaos d'abril de 2019
14 xunetu 2016 - Distritu: Asturies Eleiciones: eleiciones xenerales d'España de 2016
7 xineru 2016 - 19 xunetu 2016 Distritu: Asturies Eleiciones: eleiciones xenerales d'España de 2015 | |||||||
| Vida | |||||||
| Nacimientu | Xixón[1], 22 de febreru de 1965[1] (59 años) | ||||||
| Nacionalidá |
 España | ||||||
| Estudios | |||||||
| Estudios |
Universidá d'Uviéu Universidá Politéunica de Madrid | ||||||
| Llingües falaes | castellanu | ||||||
| Oficiu | políticu | ||||||
| Llugares de trabayu | Madrid | ||||||
| Creencies | |||||||
| Partíu políticu |
Unión, Progresu y Democracia Ciudadanos [1] | ||||||
 | |||||||
.svg){kind=small}
Biografía
editarNacho Prendes, estudió nel Colexu Xovellanos y nel IES. Roces de Xixón y llicencióse en Derechu pola Universidá d'Uviéu nel añu 1988.[2][3] Ye máster en Derechu Inmobiliariu (M.D.I.) pola Escuela Superior d'Arquiteutura de la Universidá Politéunica de Madrid. Ente los años 1989 y 1992 desempeñó'l cargu de Lletráu de la Compañía Telefónica n'Asturies, y dende xunu d'esi añu ye titular del so propiu despachu profesional (Iglesias & Prendes Abogados).
Trayeutoria política
editarMilitó de volao en C's y formó parte de la Plataforma Pro que desaguó na fundación d'Unión Progresu y Democracia (UPyD), siendo miembru de la Coordinadora Territorial d'Asturies dende los sos entamos. Foi la cabeza de llista per Asturies nes eleiciones xenerales de 2008.[4] En payares de 2009 foi'l responsable de la Ponencia d'Organización y Estatutos aprobada nel I Congresu del partíu. Con posterioridá tuvo al so cargu la coordinación del programa-marco pa les eleiciones autonómiques y municipales de 2011. Foi miembru del Conseyu de Direición d'UPyD dende abril de 2008 hasta avientu de 2014 en que dimitió por falta de sintonía coles últimes decisiones "estratéxiques" del partíu, primero como responsable d'Aición Institucional y darréu como vocal, y del so Conseyu Políticu dende la fundación del partíu.
Igualmente, foi'l candidatu a la presidencia d'Asturies por UPyD nes eleiciones autonómiques de 2011 y nes de 2012, siendo escoyíu diputáu néstes últimes pola circunscripción central en llogrando UPyD 18.739 votos (3,75%) en total n'Asturies. Nesta llexislatura apauta'l gobiernu del Principáu con PSOE ya Izquierda Xunida, qu'a cambéu -y conceden Grupu Parllamentariu propiu, la secretaria primera de la mesa de la Xunta Xeneral de Principáu y 7 asesores, xenerando estos fechos gran discutiniu n'Asturies.
El 8 d'abril de 2015 foi espulsáu d'UPyD por promover la creación d'una candidatura eleutoral conxunta qu'arrexuntara a UPyD y Ciudadanos pa les eleiciones autonómiques de mayu de 2015 n'Asturies, un puntu espresamente refugáu polos órganos nacionales d'UPyD. Asina que, el Conseyu de Direición d'UPyD consideró qu'Ignacio Prendes incurrió nun supuestu automáticu de baxa, previstu nel artículu 9 de los estatutos d'UPyD: «incumplimientu manifiestu y grave de les resoluciones espreses del órganu competente, conforme a estos estatutos, p'afitar posición de los cargos públicos al respective de coaliciones eleutorales y votaciones d'especial relevancia pal partíu».[5]
Dempués de la so espulsión de la formación maxenta, salieron a la lluz correos electrónicos que demostraron que la intención d'Ignacio Prendes yera abandonar UPyD de forma coordinada con otros candidatos del partíu pa torgar qu'UPyD pudiera presentar una llista a les eleiciones a la Xunta Xeneral del Principáu d'Asturies de 2015 en cuenta de axustar puestos concretos na llista de Ciudadanos, por aciu la confección de llistes "cremallera" o conxuntes, y revelaron cómo se xestionó la creación de la Plataforma Encuentro pa tal fin.
Nes eleiciones autonómiques de 24 de mayu de 2015 allegó como independiente nel númberu dos de la llista de Ciudadanos a la Xunta Xeneral del Principáu d'Asturies, siendo escoyíu diputáu pola circunscripción central en llogrando Ciudadanos trés diputaos y 38.197 votos (7,11%).[6][7]
Tres los resultaos de les eleiciones del 20 d'avientu de 2015, Ignacio Prendes ye escoyíu diputáu por Asturies nes Cortes Xenerales y nomáu secretariu segundu de la Mesa del Congresu de los Diputaos.
Dende entós les rellaciones ente Díez y Prendes fueron desaxeradamente agries y a tenor de los postreros tuits, el tiempu nun les apangó. "Pos si la rexeneración democrática ye nomar a un tránsfuga vicepresidente del Congresu, apaga y vámonos" - tuiteaba Díez tres la votación de la Mesa nel Congresu. De siguío añadía una fórmula: "Transfuguismo=corrupción".
El 19 de xunetu de 2016 foi nomáu vicepresidente primeru del Congresu de los Diputaos col sofitu del Partíu Popular.
Referencies
editar- ↑ 1,0 1,1 1,2 URL de la referencia: http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=347&idLegislatura=13. Data de consulta: 18 agostu 2019.
- ↑ «Por las estables vías del compromiso social». La Nueva España (1 d'abril de 2012). Consultáu'l 1 d'abril de 2012.
- ↑ «El semillero gijonés no descansa». La Nueva España (25 de marzu de 2012). Consultáu'l 26 de marzu de 2012.
- ↑ El Mundo 12-5-2015
- ↑ UPyD expulsa a su candidato en Asturias y a su secretaria tras su acercamiento a Ciudadanos, RTVE
- ↑ https://www.lne.es/asturias/2015/05/25/psoe-vence-asturias-pp-recupera/1762124.html
- ↑ https://www.lne.es/asturias/2015/05/25/rivera-cs-asturias-premiado-suma/1762482.html
Enllaces esternos
editar- Ignacio Prendes en Twitter
- Peles estables víes del compromisu social, La Nueva España, 1 d'abril de 2012.
- Ignacio Prendes va ser el candidatu de Ciudadanos n'arrenunciando al so escañu por UPyD
Datos: Q5992409
Multimedia: Ignacio Prendes
