Eleiciones a la Xunta Xeneral del Principáu d'Asturies de 2012
Les eleiciones a la Xunta Xeneral del Principáu d'Asturies de 2012 celebráronse'l 25 de marzu de 2012 pa escoyer a los 45 diputaos de la IX llexislatura asturiana. Coincidieron coles eleiciones andaluces.[1][2] El presidente del Principáu d'Asturies, Francisco Álvarez-Cascos, nel cargu dende xunetu de 2011, comunicó l'adelantu de les eleiciones el 30 de xineru de 2012, en tando seis meses nel Gobiernu.[3]
← 2011 •  • 2015 →
| |||||||||||
| Eleiciones a la Xunta Xeneral del Principáu d'Asturies de 2012 45 escaños a la Xunta Xeneral del Principáu d'Asturies pal periodu 2012-2015 | |||||||||||
| 25 de marzu de 2012 | |||||||||||
| Tipu d'eleición: | Llexislativa | ||||||||||
.jpg) |
FSA-PSOE - Javier Fernández Fernández | ||||||||||
| Votos: | 161.154  10.3%
| ||||||||||
| Escaños obteníos: | 17  13.3%
| ||||||||||
.jpg) |
FAC - Francisco Álvarez-Cascos | ||||||||||
| Votos: | 124.332 30.2%
| ||||||||||
| Escaños obteníos: | 12 25%
| ||||||||||
.jpg) |
PP - Mercedes Fernández | ||||||||||
| Votos: | 108.111 9.7%
| ||||||||||
| Escaños obteníos: | 10  0%
| ||||||||||
.jpg) |
IX - Jesús Iglesias Fernández | ||||||||||
| Votos: | 69.111 12%
| ||||||||||
| Escaños obteníos: | 5 25%
| ||||||||||
.jpg) |
UPyD - Ignacio Prendes Prendes | ||||||||||
| Votos: | 18.813 28.5%
| ||||||||||
| Escaños obteníos: | 1 División por cero%
| ||||||||||
| |||||||||||
| Distribución d'escaños na Xunta Xeneral | |||||||||||
| |||||||||||
| Presidente del Principáu d'Asturies | |||||||||||
Yá que les anteriores eleiciones fueron convocaes en mayu de 2011, el Gobierno resultante va exercer la so función a lo más hasta 2015, yá que, al nun tener Asturies un estatus especial como'l que rixe en comunidaes autónomes históriques, tendrán de volver a celebrase comicios una vegada termine'l ciclu de cuatro años que s'empecipió coles autonómiques de 2011.[4]
Les Eleiciones a la Xunta Xeneral del Principáu d'Asturies de 2012 celebráronse el domingu 25 de Marzu de 2012, siendo adelantraes pol Presidente del Principáu, Francisco Álvarez Cascos, seis meses dempués del so nomamientu. La causa principal foi la incapacidá del so gobiernu pa llegar a alcuerdos y, asina, aprobar los Presupuestos Rexonales de 2012. La participación foi del 55,92%, la más baxa de la historia d'Asturies, debíu, sobremanera, al cansanciu acumuláu de los eleutores pola foliada clase política y los efeutos de la grave crisis económica de los años caberos.
El PSOE ganó les eleiciones con 16 diputaos, FAC algamó 13, PP 10, IX 5 y UPyD 1, entrando estos últimos na Cámara per primer vegada na so historia. Pero estos resultaos nun fueron les definitives yá que l'escrutiniu del votu emigrante pol Occidente quitó un escañu a Foru, pasando ésti al PSOE por tan solo 52 votos de diferencia. El repartu d'escaños foi, entós, de PSOE 17, FAC 12, PP 10, IX 5 y UPyD 1, produciéndose un empate ente la derecha y l'esquierda, teniendo la llave del Gobiernu Ignacio Prendes (UPyD).
El discutiniu nun acabó equí yá que FAC denunció, primero a la Xunta Eleutoral Central y darréu al Tribunal Superior de Xusticia d'Asturies, que 332 votos nun pasaren pola correspondiente embaxada pidiendo, asina, la so nulidá.
El vienres 27 d'Abril de 2012, minutos enantes de la eleición del Presidente de la Xunta Xeneral, el TSXA dictaminó que teníen de repitise les eleiciones del votu emigrante pol Occidente nun periodu de 3 meses, quedando anuláu l'escañu en liza, constituyéndose la Xunta con 44 diputaos y non con 45 de los que consta.
Tres el tracamundiu inicial, los representantes de los partíos axuntáronse y pautaron que toos tuvieren representación na Xunta, quedándose la Presidencia Pedro Sanjurjo, FSA-PSOE.
El PSOE ya IX recurrieron la sentencia del TSXA al Tribunal Constitucional. Ésti l'anuló y dio-y, a la fin, l'escañu al PSOE.
El 23 de Mayu, Javier Fernández Fernández (PSOE) foi investíu como'l VIII Presidente del Principáu d'Asturies, socediendo a Francisco Álvarez Cascos (FAC).
Resultaos
editar← Eleiciones a la Xunta Xeneral del Principáu d'Asturies de 2012 → | |||||||
| Presidente y gobiernu | Partíu | Candidatu | Votos | % | Escaños | +/- | |
|---|---|---|---|---|---|---|---|
|
Partíu Socialista Obreru Español (FSA-PSOE) | Javier Fernández Fernández | 161 154 | 32,01% | 17 | +2 | |
| Foru de Ciudadanos (FAC) | Francisco Álvarez Cascos | 124 332 | 24,83% | 12 | -4 | ||
| Partíu Popular (PP) | Mercedes Fernández | 108 111 | 21,53% | 10 | = | ||
| Izquierda Xunida d'Asturies (IU-IX) | Jesús Iglesias Fernández | 69 111 | 13,78% | 5 | +1a | ||
| Unión Progresu y Democracia (UPyD) | Ignacio Prendes | 18 813 | 3,75% | 1 | +1 | ||
| Escaños en Blanco (Eb) | 4 095 | 0,82% | 0 | - | |||
| Equo-Los Verdes d'Asturies | Pilar Calvo | 2 518 | 0,50% | 0 | -a | ||
| Bloque por Asturies-UNA-LV-GV, Compromisu por Asturies | Rafa Palacios | 1 639 | 0,32% | 0 | = | ||
| Partíu Animalista Contra'l Maltratu Animal (PACMA) | 1 395 | 0,27% | 0 | = | |||
| Partíu Comunista de los Pueblos d'España (PCPE) | 772 | 0,15% | 0 | = | |||
| IDEAS-hartos.org | Miguel Ángel Villalba | 737 | 0,14% | 0 | = | ||
| Andecha Astur (ANDECHA) | Arturu Xosé Bermeyu | 668 | 0,13% | 0 | - | ||
| Unión Renovadora Asturiana (URAS) | Javier López Alonso | 444 | 0,08% | 0 | = | ||
| Partíu Democráticu y Constitucional (PDYC) | 230 | 0,04% | 0 | = | |||
| Movimientu Social Republicanu (MSR) | 178 | 0,03% | 0 | - | |||
| Solidaridá y Autoxestión Internacionalista (SAiN) | 176 | 0,03% | 0 | - | |||
| Unificación Comunista d'España (UCE) | 167 | 0,03% | 0 | = | |||
| Agrupación d'Eleutores Auseva Rede | 55 | 0,01% | 0 | - | |||
| Partíu Humanista (PH) | 26 | 0% | 0 | - | |||
| Partíu de la Tierra Eo-Navia | 13 | 0% | 0 | ||||
| Partíu Familia y Vida (PFyV) | 5 | 0% | 0 | - | |||
Votación d'invistidura
editarEl candidatu socialista, Javier Fernández Fernández, foi l'únicu candidatu propuestu polos grupos parllamentarios a Presidente del Principáu d'Asturies, lo que garantizaba la so eleición.[5] Foi escoyíu, en primer convocatoria, el 23 de mayu de 2012 por mayoría absoluta, col sofitu de 23 diputaos de la Cámara, los 17 del so grupu parllamentariu, los 5 d'IX y el d'UPyD.[6] Los parllamentarios del FAC y PP abstuviéronse.
| Candidatu | Fecha | Votu | Partíu Socialista Obreru Español | Foru Asturies | Partíu Popular | Izquierda Xunida | Unión Progresu y Democracia | Total |
|---|---|---|---|---|---|---|---|---|
| Javier Fernández (PSOE) |
23 de mayu de 2012 Mayoría riquida: Absoluta (23/45) |
 Sí
|
17 | 5 | 1 | 23/45 | ||
| Astención | 12 | 10 | 22/45 |
Referencies
editar- ↑ «Francisco Álvarez-Cascos anuncia eleiciones antemanaes pal próximu 25 de marzu». La Nueva España (30 de xineru de 2012). Consultáu'l 30 de xineru de 2012.
- ↑ «Casco convoca eleiciones n'Asturies tres mediu añu de Gobiernu». El País (30 de xineru de 2012). Consultáu'l 30 de xineru de 2012.
- ↑ Cascos convoca por sorpresa eleiciones antemanaes n'Asturies pal 25 de marzu RTVE.es
- ↑ «Casco antemana eleiciones n'Asturies y acusa a PP y PSOE d'una intriga'». El Mundo (30 de xineru de 2012). Consultáu'l 30 de xineru de 2012.
- ↑ «Javier Fernández va ser l'únicu candidatu na sesión de invistidura n'Asturies».
- ↑ El Mundo. «UPyD sofita la invistidura de Javier Fernández como presidente del gobiernu autonómicu asturianu». Consultáu'l 16 de mayu de 2012.
Datos: Q3074278
