Wikipedia

Pablo Amargo

Pablo Amargo (1971, Uviéu) ye un ilustrador asturianu.

Pablo Amargo
Vida
Nacimientu Uviéu, 1971[1] (52/53 años)
Nacionalidá España
Estudios
Estudios Universidá de Salamanca
Llingües falaes castellanu[2]
Oficiu ilustrador, escritor de lliteratura infantil, diseñador
Premios
pabloamargo.com
Cambiar los datos en Wikidata

Collaboró en prensa y publicaciones periódiques (The New York Times, El País Semanal, The New Yorker, The Boston Globe, La Vanguardia, National Geographic, Jot Down Magacín, La Maleta de Portbou…), según na realización de cubiertes (Ed.Planeta, Biblioteca Virtual de la Xunta d'Andalucía, Ed. Santillana, Random House Inglaterra…), cartelos y comunicación (Paris Quartier D´été, Cruz Roja, Fundación Germán Sánchez Ruipérez, Biblioteca Insular de Gran Canaria…) y, bien especialmente, na ilustración de llibros publicando en distintes editoriales tanto nacionales como internacionales (Bárbara Fiore Editora, Media Vaca, Anaya, Ediciones SM, La Joie de Lire (Suiza)...).


Foi reconocíu con importantes premios d'Ilustración a lo llargo de la so carrera profesional ente otros el Premiu Nacional d'Ilustración 2004 (concedíu pol Ministeriu de Cultura), Premiu Lazarillo d'ilustración en 1999, Premiu Motiva d'Ilustración 2000, 2004, 2005 y 2010, Premiu del Bancu del llibru de Venezuela 2003, una de les Golden Plaque na Bienal d'Ilustración de Bratislava. N'Estaos Xuníos recibió numberosos premios como los dos Silver Medal from the Society of Newspaper Designer's Awards n'EEXX pa The Boston Globe en 2015, según Award of Excellence Illustration Annual dau por Communication Arts n'EEXX nel añu 2013, 2014 y 2016. Tamién foi reconocíu polos premios American Illustraion en trés causes consecutives 2013, 2014 y 2015.

Nel añu 2016 recibió la Siver Medal pola New York Society of Illustrators, unu de los premios más prestixosos n'ilustración n'EEXX.

Apocayá recibió'l Premiu Gráfica 2016 como reconocencia a la contribución que Pablo Amargo a la cultura visual.


El so llibru CASUALIDÁ recibió prestixosu CJ Picture Book Awards (Corea 2011) y el Gold European Design Awards 2012 (Helsinki 2012), el Laus Bronze (España 2012) el Premiu Motiva al meyor llibru ilustráu (España 2012) y el Premiu Junceda Iberia (Barcelona 2012).


En 2005 ye escoyíu pa participar na esposición Ilustrísimos, entamada pol Ministeriu de Cultura, pa representar a España como país convidáu na Feria Internacional de Bolonia. Tamién foi escoyíu nel 2003 y 2009 na Feria del Llibru de Bolonia y nel 2003, 2005 , 2007 y 2011 pa Ilustrate, Biañal d'Ilustración de Portugal, según na New York Society of Illustrators 2013, 2014 y 2016.

Participa davezu en congresos, ciclos de conferencies y meses redondes tantu n'España como nel estranxeru (Quito, Milán, Bolonia, Montpellier, Santiago de Chile, Méxicu DF, Kiev…).

-El Xuráu dio'l Premiu GRÁFFICA 2016 a Pablo Amargo "por ser un ilustrador qu'antepón la intelixencia gráfica a los fueos artificiales, que bebe de referencies ensin depredarlas, que constrúi significaos acoricando la forma. Ye por tanto un ilustrador raru nos tiempos que cuerren y qu'al empar ye capaz d'abrir pasu ente la lloria del enclín y la de los mesmos asonsañadores qu'empiecen a ser lexón. Ensin él ye difícil entender qué asocede na ilustración gráfica actual; Amargo fixo de la paradoxa visual el so recursu favoritu y –como n'otru tiempu Fukuda– un mediu pa espresar lo más complexo de la manera más simple, lo que nun ye pocu".


-Gustavo Puerta Leisse nel artículu "Erase una vegada......Bolonia" (El Cultural d'El Mundu 2005) escribió: "Cada imaxe de Pablo Amargo denota intelixencia na interpretación, minuciosidad nel trabayu, sobriedá y simplificación máximes nes formes y una fervosa llucha contra los estereotipos. Herederu de les estétiques vanguardistas del sieglu pasáu, nun repite los esquemes sinón que los asimila nun universu de poques tintes y gran dinamismu, nel que tou elementu tien un sentíu y les imáxenes afiguren una llectura bien personal al testu que les acompaña".

Referencies

editar
  1. ↑ «rexistru d'autoridaes BNE». Consultáu'l 29 mayu 2020.
  2. ↑ Afirmao en: catálogu de la Biblioteca Nacional Checa. Identificador NKCR AUT: pna2015891052. Data de consulta: 1r marzu 2022.

Enllaces esternos

editar
Sacáu de «https://ast.wikipedia.org/w/index.php?title=Pablo_Amargo&oldid=4263386»