Botanologicon

Botanologicon
País	Alemaña
Idioma	llatín
Categoría	Botánica
Desendolcu
Editor	Euricius Cordus
	[editar datos en Wikidata]

Botanologicon ye una obra escrita pol médicu y botánicu alemán Euricius Cordus (1486-1535) y publicada nel añu 1534.

Nel Botanologicon, escritu en forma de diálogu, Cordus imaxina una escursión botánica realizada pol mesmu y un grupu de los sos estudiantes na vecindá de Marburgu na década de 1530. Depués d'una curtia visita al propiu xardín de Cordus, el grupu continua la escursión pa escontra fuera de los murios de la ciudá, llevando con ellos dos obres: De materia medica (Los materiales de la medicina) de Dioscórides y l'apocayá espublizáu (1530) Herbarium vivae eicones d'Otto Brunfels.

Pa Cordus y los sos alumnos, el mundu taba pobláu d'especies de plantes yá conocíes polos antiguos, como Dioscorides, y el so llabor consistía básicamente n'identificar les plantes que reparaben con aquelles descriptas en De materia medica. Por esa razón, la mayor parte del diálogu del Botanologicon consistía n'identificar afechiscamente cada especie topada, brindando o aldericando les diferencies nos nomes de cada planta, o les variaciones morfolóxiques topaes ente les descripciones de Dioscorides, el testu de Brunfels y la so propia esperiencia. Una de les variables que más pesu tenía pa Cordus na identificación d'una especie yera'l sabor de ciertos órganos de les plantes, calter que consideraba "infalible". Otra carauterística que consideraba relevante yera'l vezu de crecedera de cada especie, estremando les plantes perennes de les decidues.

Ver tamién

Bibliografía

Brian W. Ogilvie, 2006. Science of Describing: Natural History in Renaissance Europe. Chicago and London: University of Chicago Press, páx. 134-135. Aportáu'l 20 d'agostu de 2009.

Referencies

Enllaces esternos

Wikimedia Commons tien conteníu multimedia tocante a Botanologicon.