Dioscórides
Pedaniu (o Pedaciu) Dioscórides Anazarbéu (circa 40, Anazarbus (es) 
– circa 90) foi un médicu, farmacólogu y botánicu de l'antigua Grecia, que la so obra De Materia Medica algamó un ampliu espardimientu y convirtióse nel principal manual de farmacopea mientres tola Edá Media y el Renacimientu.
Dioscórides | |
|---|---|
.jpg) | |
| Vida | |
| Nacimientu |
Anazarbus (es) , circa 40 |
| Nacionalidá | Antigua Roma |
| Muerte | 90 (49/50 años) |
| Estudios | |
| Llingües falaes | griegu antiguu |
| Oficiu | médicu, botánicu, farmacéuticu, farmacólogu |
 | |
Biografía
editarPrauticó la medicina en Roma na dómina del emperador Nerón. Según el so propiu testimoniu, que figura na carta que sirve de prólogu a la so obra, foi ciruxanu militar nel exércitu romanu, colo que tuvo la oportunidá de viaxar en busca de sustancies melecinales per tol mundu conocíu.[1]
De Materia Medica
editarEscribió una obra en cinco volúmenes, titulada De Materia Medica, precursora de la moderna farmacopea. El testu describe unes 600 plantes melecinales, incluyendo la mandrágora, unos 90 minerales y alredor de 30 sustancies d'orixe animal. A diferencia d'otres obres clásiques, esti llibru tuvo un enorme espardimientu na Edá Media tantu nel so orixinal griegu como n'otres llingües, tales como'l llatín y l'árabe.[2]
El códiz más antiguu que se caltién de la obra data d'empiezos del sieglu VI, y foi copiáu pa usu de la patricia romana Anicia Xuliana, fía del emperador Aniciu Olibriu. Esti manuscritu tien un total de 491 folios, y cuasi 400 ilustraciones a páxina completa. En 1569 foi adquiríu pol emperador Maximilianu I, y caltiénse na Biblioteca Nacional d'Austria (Österreichische Nationalbibliothek). Ye conocíu como Codex Vindobonensis Med. Gr. 1. (Vindobona ye'l nome llatín de Viena) o, a cencielles, como'l Dioscórides de Viena.
La obra foi traducida per primer vegada al árabe nel sieglu IX, nel Bagdag abasí. Nel sieglu siguiente, l'emperador bizantín Constantín Porfirogéneta unvió'l llibru como presente al califa cordobés Abderramán III un exemplar en griegu, que foi traducíu al árabe por un monxu llamáu Nicolás, cola ayuda del xudíu Hasdai ibn Shaprut.
Imprimir por primer vegada, en llatín, en 1478, en Colle (Toscana) por Pedro Paduano. Foi traducíu al español por Andrés Laguna.
Ver tamién
editarReferencies
editar- ↑ Borzelleca, Joseph F.; Lane, Richard W. (2008). Taylor & Francis: Principles and methods of toxicology.
- ↑ Introduction to Dioscorides Materia Medica by TA Osbaldeston, year 2000.
Bibliografía
editar- Pedacio Dioscórides Anazarbeo (1555). Alrodiu de la materia melecinal y de los venenos mortiferos. Edición digitalizada. Biblioteca Dixital Hispánica. Identificador dixital http://bibliotecadigitalhispanica.bne.es:80/webclient/DeliveryManager?application=DIGITOOL-3&owner=resourcediscovery&custom_att_2=simple_viewer&pid=228705.
- Dioscórides / Pseudo Dioscórides (1998). Plantes y remedios melecinales. Obra completa. Madrid: Editorial Gredos. ISBN 978-84-249-1957-3.
- Volume I: Llibros I-III. ISBN 978-84-249-1958-0.
- Volume II: Llibros IV-V. ISBN 978-84-249-1959-7.
Enllaces esternos
editar
Wikimedia Commons acueye conteníu multimedia sobre Dioscórides.
- Wikimedia Commons acueye conteníu multimedia sobre De materia medica.
- Biblioteca Nazionale di Napoli, Páxines del códiz Dioscurides Neapolitanus, s. VI - s. VII
- Facsímil del códiz Dioscórides. De materia medica. s. XV - s. XVI
- Dioscórides interactivo: Presentación dinámica del testu de Dioscórides con imáxenes del manuscritu griegu de Dioscórides de la Biblioteca de la Universidá de Salamanca. Contién imáxenes antigües y modernes de les plantes, mapes de distribución, traducción completa y testu griegu, comentarios farmacognósticos actuales sobre les plantes de Dioscórides, múltiples buscadores y selectores ente ellos d'efectos terapéuticos asociaos a cada remediu.
- Pedacio Dioscorides anazarbeo: Alrodiu de la materia melecinal y de los venenos mortíferos , Amberes, 1555, digitalizado na Biblioteca Dixital Hispánica de la Biblioteca Nacional d'España
Datos: Q297776- Multimedia: Pedanius Dioscorides
