A New Herball, Wherein are Conteyned the Names of Herbes

03-04-2019 17:39

A New Herball, Wherein are Conteyned the Names of Herbes, ye un llibru ilustráu con descripciones botániques escritu pol ornitólogu y botánicu inglés, William Turner.[1]

A New Herball, Wherein are Conteyned the Names of Herbes
Idioma inglés
Categoría Botánica
Añu de fundación Espublizáu en 1551-68
Desendolcu
Editor William Turner
Circulación
Frecuencia Espublizáu en 3 ediciones
[editar datos en Wikidata]

A new Herball, wherin are conteyned the names of Herbes... with the properties degrees and naturall places of the same, gathered and made by Wylliam Turner, Physicion unto the Duke of Somersettes Grace ye'l nome completu d'esta obra de botánica. La primer parte publicóse en Londres, imprentada por Steven Myerdman en 1551), la segunda publicóse en 1562 y la tercera en 1568, dambes nel exiliu d'Alemaña, por Arnold Birckman de Colonia. Estos volúmenes fueron la primer investigación clara y sistemática de les plantes d'Inglaterra. La obra cuntaba con almirables grabaos en madera (básicamente copiaos de la obra De historia Stirpium de Leonhart Fuchs, 1542) xunto coles detallaes observaciones llograes por Turner nos sos estudios de campu. Coles mesmes, Turner incluyó una rellación de los "usos y virtúes" de les plantes y nel prefaciu almite que seique lu acusen d'amosar al públicu xeneral lo qu'habría quedar reservao pa una audiencia profesional. D'esta miente, per primer vegada dispónse d'una flora d'Inglaterra en llingua vernácula de forma que yera posible identificar ensin dificultá la mayor parte de les plantes ingleses.


Ver tamién editar

Referencies editar