Balaes llíriques

En 1798 Wordsworth y Coleridge producieron el llibru de poemes "Balaes llíriques". Ente los poemes destaquen "Tintern Abbey" o 'Versos escritos poques milles más allá de l'abadía de Tintern' (Títulu orixinal) y "Michael", na que s'amuesa "la dignidá tráxica que se-y puede dar a la hestoria d'un pastor y el so fíu" (Ifor Evans).

Balaes llíriques
poemariu y obra lliteraria
Datos
Autor	Samuel Taylor Coleridge y William Wordsworth
Fecha	1798
Llingua de la obra	inglés británicu

En 1793 publicóse la primer poesía de Wordsworth: les coleiciones An Evening Walk (Un paséu pela tarde) y Descriptive Sketches (Bocetos descriptivos). En 1795 recibió un legáu de £900, lo que-y dexó siguir escribiendo poesía. Esi mesmu añu conoció a Samuel Taylor Coleridge, lo que determinó'l so acercamientu a la filosofía d'Immanuel Kant y al romanticismu alemán. El trauma que-y supunxo'l xebramientu de la Francia revolucionaria y d'Annette alcuéntrase espresáu nel drama The Borderers (1795). Coleridge y Wordsworth desenvolvieron aína una amistá íntima. En 1797, Wordsworth y la so hermana, Dorothy, treslladáronse a Somerset, tan solo a unes milles de la casa de Coleridge en Nether Stowey.

Coleridge participó na coleición con cuatro poesíes, ente elles la "The Rime of the Ancient Mariner" (Rima del marineru vieyu); estes poesíes non desentonan, nin por el so estilu, nin pol so llinguaxe, del restu de la obra.

Les Balaes amosaron una naturaleza vibrante d'una espiritualidá y d'una sensualidá bien alloñaes de la fría diosa razón de los ilustraos, anque quedara en Wordsworth aquella sensibilidá democrática y una bonal simpatía escontra les clases más humildes o desaventajadas, inspirada pola revolución.

Ediciones posteriores de les Balaes incluyeron más poemes y un Preface (Prefaciu) a los poemes. Esti Prefaciu ye consideráu obra central de la teoría lliteraria romántica. Wordsworth espón lo que considera los elementos d'un nuevu tipu de poesía, una basada nel “verdaderu idioma de los homes”. Evita la dicción poética de muncha de la poesía del sieglu XVIII. Apurre la so famosa definición de poesía como la bonal llena de poderosos sentimientos, d'emociones recoyíes nel aselu”.

Notes

• Testu inicial d'esti artículu tomáu - con autorización - de respuesta de *Lautaro a una pregunta en "Yahoo Respuesta - España"

Ver tamién

• The Wordsworth Museum & Art Gallery site. - Lyrical Ballads Archiváu 2007-12-10 en Wayback Machine
• Balaes Llíriques - Testos n'inglés en Wikisource.
• The Rime of the Ancient Mariner - Testu n'inglés en Wikisource.

• Datos: Q738958
• Multimedia: Lyrical Ballads