Valerio Flaco

Cayo Valerio Flacu (en llatín: Gaius Valerius Flaccus) (circa 45, Italia – circa 95), foi un poeta épicu llatín.

Valerio Flaco
Vida
Nacimientu	Italia, circa 45
Nacionalidá	Antigua Roma
Muerte	95 (49/50 años)
Estudios
Llingües falaes	llatín
Oficiu	poeta, escritor

Compunxo les Argonáuticas, poema épicu inacabado n'ocho llibros que se desconocía mientres la Edá Media y foi afayáu nun manuscritu de l'abadía de St. Gallen (Suiza) en 1416. Trata sobre'l viaxe de los héroes griegos conocíos como argonautas a la Cólquide na nave Argos en busca del vellocino d'oru, lo mesmo que de los amores ente Jasón, líder de la espedición, y Medea.

Nel poema, Xúpiter quéxase, nel so diálogu col sol, del viaxe que van realizar Jasón y los sos compañeros hasta los dominios d'Eetes, rei de Cólquide, yá que acordies col so proyeutu d'historia del mundu, llegó'l momentu de desempeñar el principal papel a los griegos, pa dempués dexa-y lo a los romanos.

Magar la moda neoclásica de la dómina flavia, síguense los postulaos estéticos alexandrinos y neotéricos. Hai fábules erótiques y digresiones de calter mitolóxicu y xeográficu vistíes con tolos colores» de la retórica. Lloñe de la severidá moral de la Eneida, la obra, concebida como imitación creadora del homónimu poema d'Apolonio de Rodas, ye'l más fiel esponente d'una dómina xulgada como solombra d'un pasáu gloriosu teníu yá por clásicu, siendo coles mesmes un nítido reflexu de la nueva estética lliteraria. Bon fíu de la retórica, Valerio Flacu busca en tou momentu la concentración dramática y el encumbramiento del pathos, con Séneca y Lucano como referencia obligada. El poema pudo sirvir d'inspiración a pintores renacentistes como Ticianu na so obra Amor sacro y amor profano.

Bibliografía

• Flacu, Valerio (2011). Argonáuticas. Madrid: Editorial Gredos. ISBN 978-84-249-2188-0.

Enllaces esternos

• Datos: Q316090