Nicole-Reine Lepaute

Nicole-Reine Lepaute
Vida
Nacimientu	París, 5 de xineru de 1723
Nacionalidá	Reinu de Francia
Muerte	París, 6 d'avientu de 1788 (65 años)
Familia
Casada con	Jean-André Lepaute
Familia	ver Joseph Lepaute Dagelet (sobrino político (es) );
Pueblu	Familia Lepaute (es)
Estudios
Llingües falaes	francés
Profesora de	Joseph Lepaute Dagelet
Oficiu	astrónoma, matemática

Nicole-Reine de la Briere Lepaute (5 de xineru de 1723, París – 6 d'avientu de 1788, París), tamién conocida como Hartense Lepaute o Hortense Lepaute, foi una astrónoma francesa y matemática. Predixo la vuelta del Cometa Halley, calculó'l engranaje de distribución d'un eclís solar y construyó un grupu de catálogos pa les estrelles. Tamién foi miembru de l'Academia Científica de Béziers.

Biografía

Nicole-Reine Lepaute nació nel Palaciu de Luxemburgu, París, como la fía de Jean Etable, criada sol serviciu de Louise Élisabeth d'Orléans. En 1749, casóse con Jean-André Lepaute, quien yera un Reloxeru real, un maestru artesanu que diseñaba, fabricaba y reparaba los relós de palaciu, na dómina de Lluis XV. Nicole Lepaute construyó un reló con una función astronómica en xunto col so maríu. El reló foi construyíu sobre la so suxerencia, y ella tamién participó na so construcción; gracies a esto calculó les oscilaciones del pendilexu por unidá de tiempu y en función del llargor del mesmu, que foi publicáu nel Traité d'Horlogerie. El reló foi presentáu a l'Academia francesa de Ciencia en 1753, onde foi inspeccionáu y aprobáu por Jérôme Lalande. Lepaute yera un miembru de l'Academia francesa de Ciencia.

Jérôme Lalande xunto al matemáticu Alexis Clairault encamentáron-y calcular la vuelta predicha del Cometa Halley, según calcular como la gravedá de de Xúpiter y Saturnu influyíen na trayeutoria del cometa. Dempués d'un trabayu refechu ya innumberables cálculu pa determinar la posición diaria de la órbita del cometa Halley, Lepaute en payares de 1758, presentó la so conclusión que'l cometa llegaría'l 13 d'abril de 1759. Los sos cálculos fueron casi correutos, una y bones el cometa llegó'l 13 de marzu de 1759. Clairault nun reconoció'l so trabayu, sicasí, Jérôme Lalande reconoció la so ayuda nun artículu.

En 1759, ella yera otra vegada una parte del equipu de Jérôme Lalande y trabayó con él pa calcular la efeméride del Tránsitu de Venus. Nun foi un documentu que se-y atribuyó de forma personal, pero en 1761, ella foi reconocida como miembru honorariu de l'Academia distinguida Científica de Béziers. Lalande tamién collaboró con Lepaute mientres quince años sobre l'Academia de les guíes añales de la Ciencia p'astrónomos y navegantes, y dempués de la so muerte, escribió una curtia biografía sobre les sos contribuciones a l'astronomía.

En 1762, Lepaute calculó'l tiempu exactu d'un Eclís solar qu'asocedió'l 1 d'abril de 1764. Ella escribió un artículu nel cual ella dio un mapa del grau del eclís n'intervalos de 15 minutos al traviés d'Europa. L'artículu “La conocencia de los tiempos” foi publicáu na academia de ciencies, dirixida por Lalande.

Lepaute tamién creó un catálogos de les estrelles que yeren útiles pol porvenir d'astronomía. Tamién calculó la Efeméride del Sol, la Lluna y los Planetes pa los años 1774-1784.

Foi considerada una de los meyores “ordenadores astronómicos” de la dómina.

Nicole finó en 1788, unos meses primero que'l so maríu.

Legáu

Eponimia

El cráter llunar Lepaute lleva esti nome na so memoria.
El asteroide (7720) Lepaute tamién conmemora'l so nome.

Notes

Philibert Commerson intentó nomar una flor como Hydrangea lepaute, pero'l nome aceptáu foi "Hortensia"; ye por esto que de cutiu se cree que Hortense tamién yera'l nome de Lepaute.

Referencies

↑ ^1,0 ^1,1 Afirmao en: autoridaes BNF. Identificador BnF: 14555447k. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Afirmao en: MacTutor History of Mathematics archive.
↑ URL de la referencia: https://astrosabadell.org/pdf/es/bio/dones/Lepaute_NicoleReine_es.pdf.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos

[ed03e889f3c800d0fb56659ff7b9e6ff420dfe22-1] 1,0 ^1,1 Afirmao en: autoridaes BNF. Identificador BnF: 14555447k. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[6ddba9745c61aed5f408b43b8b430b317e2f26a4-2] Afirmao en: MacTutor History of Mathematics archive.

[9f5cdb1d717f811f842fb601035d8d76d99dd29d-3] URL de la referencia: https://astrosabadell.org/pdf/es/bio/dones/Lepaute_NicoleReine_es.pdf.

[a6ddcc66250513dd1625d2f535bb8aa9bd50206a-4] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[1]

[2]

[3]

[4]

Nicole-Reine Lepaute

Vida
Nacimientu	París, 5 de xineru de 1723^[1]
Nacionalidá	Reinu de Francia
Muerte	París, 6 d'avientu de 1788^[1] (65 años)
Familia
Casada con	Jean-André Lepaute ^[2]
Familia	ver Joseph Lepaute Dagelet (sobrino político ^(es) )^[3]
Pueblu	Familia Lepaute ^(es)
Estudios
Llingües falaes	francés^[4]
Profesora de	Joseph Lepaute Dagelet
Oficiu	astrónoma, matemática