Asteroide

Asteroide
	tipu d'oxetu astronómicu
Símbolu astronómicu
Parte de	sistema vinculado gravitacionalmente (es)

Un asteroide ye un cuerpu rocosu, carbonáceu o metálicu más pequeñu qu'un planeta y qu'orbita alredor del sol. Los asteroides tamién se nomen planetes menores, denomación que se considera más afechisca. Los más de los asteroides poseyen órbites semiestables ente Marte y Xúpiter, pero dalgunos son esviaos n'órbites que crucien aquélles de los planetes mayores.

Dende la Tierra tienen aspeutu d'estrelles, d'ehí'l nome d'asteroides (del griegu ἀστεροειδής, figura d'estrella) que foi alcuñáu por John Herschel poco depués de que los primeros fueran descubiertos.

El 1 de xineru de 1801 l'astrónomu sicilianu Giuseppe Piazzi descubrió l'asteroide o planeta menor Ceres mentes trabayaba nun catálogu d'estrelles. Esti planeta menor foi denomáu Ceres Ferdinandea n'honor del entós rei de les Dos Sicilies, Fernandu I.

Tres d'esta descubrición vinieron otres paecíes pero d'oxetos más pequeños. Anguaño estímase qu'hai cerca de 2 millones d'asteroides con un diámetru mayor a 1 km namái nel cinturón principal d'asteroides. Sicasí, si se sumen toles sos mases, el total ye del 5% de la masa de la lluna.

Nel casu del Cinturón de Kuiper estímase la esistencia de 60 millones d'oxetos, con una masa del orde de 2,5 veces la de la lluna, ye dicir, el 3% de la terrestre.

Ver tamién

Referencies

Enllaces esternos

Wikimedia Commons tien conteníu multimedia tocante a Asteroide.