Hormisdas
Hormisdas (Frosinone, c. 450 - Roma, 6 d'agostu de 523) foi'l papa nᵘ52 (de 514 a 523) y santu de la Ilesia católica.
Hormisdas | |||||
|---|---|---|---|---|---|
 | |||||
22 xunetu 514 - 6 agostu 523 (Gregorianu) ← Símaco - Xuan I →
| |||||
| Vida | |||||
| Nacimientu | Frosinone[1], 450 | ||||
| Muerte | Roma[2], 6 d'agostu de 523 (72/73 años) | ||||
| Sepultura | basílica de San Pedru | ||||
| Familia | |||||
| Casáu con |
wife of Hormisdas (en)  | ||||
| Fíos/es | Silverio | ||||
| Estudios | |||||
| Llingües falaes | llatín[3] | ||||
| Oficiu | sacerdote católicu, escritor | ||||
| Llugares de trabayu | Roma | ||||
| Santoral | |||||
| 6 d'agostu | |||||
| Creencies | |||||
| Relixón | Ilesia Católica[4] | ||||
 | |||||
Diáconu nel momentu de la so eleición, tuvo casáu antes de ser ordenáu y tuvo un fíu que más tarde se convertiría nel futuru papa Silverio.
La so primer actuación como pontífiz foi acabar colos últimos rescoldos del cisma acaciano surdíu nel 484 por aciu la llamada "fórmula de Hormisdas" propuesta en 519 tres una xunta ente les Ilesies de Roma y de Constantinopla.[5]
Mientres el so papáu encargó a Dionisio el Exiguo, un astrónomu d'orixe escita y abá d'un monesteriu romanu, reformar el calendariu esistente, xera que resolvió al establecer como añu primeru de la era cristiana'l de la nacencia de Xesús. Los cálculos qu'ésti realizó resultaron, según comprobóse dempués, equivocaos nunos 6 años al datar de forma errónea'l reináu de Herodes I el Grande, polo que dedució que Xesús nació l'añu 753 de la fundación de Roma, cuando de fechu tuvo d'asoceder escontra'l 748.
Resultó electu papa en presencia del celebre Casiodoro, entós cónsul, y delegáu del rei Teodorico pa esta eleición. Consiguió, cola tercer delegación qu'unvió a Constantinopla, reconciliar esta Ilesia cola Santa Sede, de la cual taba dixebrada dende la condenación d'Acacio. El so pontificáu foi gloriosu pola puxanza con que sostuvo la doctrina, pola reforma del cleru, pola paz que procuró a les Ilesies d'Oriente, pola espulsión de los maniqueos de Roma, y poles sos llimosnes y liberalidades colos Santos Llugares. Hormisdas morrió en 6 d'agostu de 523.[6]
Referencies
editar- ↑ URL de la referencia: http://www.almanachdegotha.org/id132.html.
- ↑ URL de la referencia: http://pastsearch-archaeo-history.co.uk/on-this-day/august/.
- ↑ Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.
- ↑ Afirmao en: Catholic-Hierarchy.org. Identificador Catholic Hierarchy de persona: ormisda. Data de consulta: 22 ochobre 2020. Llingua de la obra o nome: inglés.
- ↑ Kirsch, Johann Peter (1913), «Pope St. Hormisdas» (n'inglés), Catholic Encyclopedia, Nueva York: Robert Appleton Company, OCLC 1017058
- ↑ Capmany y de Montpalau, Antonio de (1792) Compendiu cronolóxicu-históricu de los soberanos d'Europa..., Ed. Blas Roman. p. 8. [1]
Enllaces esternos
editar
Wikimedia Commons acueye conteníu multimedia sobre Hormisdas.- Obres
| Predecesor: Símaco |
 514-523 |
Socesor: Xuan I |
