Vladimir Nabokov

Vladimir Nabokov (nome completu en rusu: Vladímir Vladímirovich Nabokov (Влади́мир Влади́мирович Набóков, [vlʌˈdʲimʲɪr vlʌˈdʲimʲɪrəvʲɪʧ nʌ'bokəf]) (San Petersburgu, 22 d'abril de 1899 (10 d'abril del calendariu xulianu) — Montreux, Suiza, 2 de xunetu de 1977), foi un escritor d'orixe rusu llueu nacionalizáu estaounidense. Escribe les sos primeres obres lliteraries en rusu, pero llega al reconocimientu internacional con un llibru escritu n'inglés: Lolita (1955).

Obra

Son carauterísticos nél los argumentos de gran complexidá, los intelixentes xuegos de pallabres y l'usu de l'alliteración. Gana fama y notoriedá cola novela Lolita (1955), siendo autor tamién d'otres importantes obres ente les qu'hai que señalar Pale fire (1962) y, sobre manera, Ada, or Ardor (1969), obres toes que-y proporcionen un llugar cimeru ente los grandes novelistes del sieglu XX.