Eta Sagittae
Eta Sagittae (η Sge / 16 Sagittae / HD 190608 / HR 7679) ye una estrella na constelación de Sagita, la flecha, de magnitú aparente +5,10.[9] Asitiada a 162 años lluz de distancia del Sistema Solar, ye probable que forme parte la corriente d'estrelles de les Híades.[10]
Coordenaes: 
20h 5m 9.493s, 19° 59′ 27.863″
Eta Sagittae ye una de les munches xigantes naranxes visibles nel cielu nocherniegu; nesta mesma constelación, Sham (α Sagittae) —la estrella más brillosa—, ye una estrella d'esta clase. De tipu espectral K2III,[9] Eta Sagittae tien una temperatura efectivo de 4741 K. El so radiu, anque ye 7,5 vegaes más grande que'l radiu solar, ye pequeñu pa una xigante; asina, el so tamañu equival a 3/4 partes del de Pólux (β Geminorum) —la xigante naranxa más próxima al Sol— y ye 2,7 vegaes menor que'l de la mentada Sham.
Eta Sagittae tien una metalicidá —bayura relativa d'elementos más pesaos que'l heliu— bien paecida a la solar ([Fe/H] = +0,05).[11] Xira amodo sobre sigo mesma, con una velocidá de rotación proyeutada —llende inferior de la mesma— de namái 1 km/s.[12] La so masa ye aproximao un 50% mayor que la masa solar, pero ye una estrella muncho más evolucionada, con una edá averada de 2770 ± 940 millones d'años.[11]
Referencies editar
- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Ulrich Bastian (2000). «Catálogo Tycho-2». Astronomy and Astrophysics: páxs. 27–30.
- ↑ David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1): páxs. 209–231. doi:.
- ↑ «APOGEE Data and Spectral Analysis from SDSS Data Release 16: Seven Years of Observations Including First Results from APOGEE-South». The Astronomical Journal (3). setiembre 2020. doi:.
- ↑ J. Maldonado (xunu 2013). «The metallicity signature of evolved stars with planets» (n'inglés). Astronomy and Astrophysics: páxs. 84–84. doi:.
- ↑ Steven Majewski (20 xineru 2016). «Determining ages of APOGEE giants with known distances» (n'inglés). The Astrophysical Journal (1). doi:.
- ↑ Olin J. Eggen (1962). «Space-velocity vectors for 3483 stars with proper motion and radial velocity». Royal Observatory Bulletin: páxs. 79.
- ↑ 9,0 9,1 Eta Sge -- Star (SIMBAD)
- ↑ Famaey, B.; Jorissen, A.; Luri, X.; Mayor, M.; Udry, S.; Dejonghe, H.; Turon, C. (2005). «Local kinematics of K and M giants from CORAVEL/Hipparcos/Tycho-2 data. Revisiting the concept of superclusters». Astronomy and Astrophysics 405. pp. 165-186. http://cdsads.u-strasbg.fr/cgi-bin/nph-bib_query?2005A%26A...430..165F&db_key=AST&nosetcookie=1.
- ↑ 11,0 11,1 da Silva, L.; Girardi, L.; Pasquini, L.; Setiawan, J.; von der Lühe, O.; de Medeiros, J. R.; Hatzes, A.; Döllinger, M. P.; Weiss, A. (2007). «Basic physical parameters of a selected sample of evolved stars». Astronomy and Astrophysics 458 (2). pp. 609-623. http://cdsads.u-strasbg.fr/cgi-bin/nph-bib_query?2006A%26A...458..609D&db_key=AST&nosetcookie=1.
- ↑ De Medeiros, J. R.; do Nascimento, J. D., Jr.; Sankarankutty, S.; Mariña, J. M.; Maia, M. R. G. (2000). «Rotation and lithium in single giant stars». Astronomy and Astrophysics 363. pp. 239-243. http://cdsads.u-strasbg.fr/cgi-bin/nph-bib_query?2000A%26A...363..239D&db_key=AST&nosetcookie=1.
Coordenaes: 20h 5m 9.493s, 19° 59′ 27.863″
Datos: Q5177590
