Pólux (estrella)
Pólux (β Gem / β Geminorum / 78 Geminorum) ye la estrella más brillosa de la constelación de Xéminis y la decimoséptima más brillosa del cielu nocherniegu. De magnitú aparente +1,15, ye de color coloráu anaranxáu. Xunto a Cástor (α Geminorum) representa los dos ximielgos celestiales que dan nome a la constelación (gemini en llatín significa «los ximielgos»). En 2006 anuncióse'l descubrimientu d'un planeta n'órbita alredor de Pólux.
Nome
editarPa dalgunos el nome de Pólux significa «enforma vieno», yá qu'en astroloxía Pólux acomuñóse con prosperidá y celebraciones con vinu. De forma más específica, Pólux fai referencia al hermanu inmortal de los Dioscuros, Pólux o Polideuco, fíu de Zeus y Leda.
La estrella tamién recibe'l nome árabe Al Ras al-Tau'am al-Mu'akhar (الرأس التؤام المؤخر), lliteralmente «la cabeza del segundu ximielgu». En Babilonia determinaba la docena constelación eclíptica, Mash-mashu-arkū, «el ximielgu oriental»; individualmente recibía'l títulu de Mu-sir-kes-da, el xugu de la corralada». En China denominen a esta estrella Yang, que na filosofía oriental ye una de les dos fuercies fundamentales, opuestes pero complementaries, que s'atopen en toles coses.
Al pie de Cástor forma la nakshatra (casona astrolóxica hindú) llamada Punarvasu nel calendariu astronómicu hindú.
Carauterístiques físiques
editarPólux ye una estrella xigante naranxa de tipu espectral K0IIIb. Asitiada a 33,7 años lluz de distancia, ye la xigante naranxa más próxima al Sistema Solar. Con una temperatura superficial de 4770 K, el so radiu ye 9 o 10 vegaes más grande que'l radiu solar. Incluyendo la enerxía radiada nel infrarroxu, la so lluminosidá, anque bien cimera a la del Sol —46 vegaes mayor—, ye baxa en comparanza a otres xigantes naranxes cercanes como Arturu (α Boötis) o Menkent (θ Centauri). La so lluminosidá y temperatura dexen envalorar una masa 1,8 vegaes mayor que la masa solar. Como estrella xigante que ye, nel so nucleu produz la fusión del heliu en carbonu y oxíxenu.
Sistema planetariu
editarPólux ye la estrella más brillosa a la que se-y afayó un planeta estrasolar. Este, denomináu Pólux b, tien una masa mínimo 2,9 vegaes mayor que la masa de Xúpiter y describe una órbita casi circular a 1,69 ua de Pólux, siendo el so periodu orbital de 1,6 años. Dada la lluminosidá de la estrella central y la so distancia a la mesma, el planeta recibe 16 vegaes más radiación que la que recibe la Tierra del Sol.
| Acompañante (N'orde dende la estrella) |
Masa (MJ) |
Periodu orbital (díes) |
Semiexe mayor (UA) |
Escentricidá |
|---|---|---|---|---|
| Pólux b | > 2,30 ± 0,45 | 589,64 ± 0,81 | 1,64 ± 0,27 | 0,02 ± 0,03 |
Ver tamién
editarReferencies
editar- ↑ Afirmao en: Catálogo de Estrellas Dobles Washington.
- ↑ Afirmao en: New Catalogue of Suspected Variable Stars.
- ↑ 3,0 3,1 3,2 3,3 3,4 Afirmao en: SIMBAD.
- ↑ URL de la referencia: https://thenauticalalmanac.com/TNARegular/1981_Nautical_Almanac.pdf.
- ↑ 5,0 5,1 5,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Steven H. Saar (ochobre 2006). «Confirmation of the planet hypothesis for the long-period radial velocity variations of β Geminorum» (n'inglés). Astronomy and Astrophysics (1): páxs. 335–341. doi:.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ Giuseppina Micela (setiembre 2019). «Catalog for the ESPRESSO blind radial velocity exoplanet survey». Astronomy and Astrophysics. doi:.
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics. doi:.
- ↑ 10,0 10,1 10,2 Steven H. Saar (ochobre 2006). «Confirmation of the planet hypothesis for the long-period radial velocity variations of β Geminorum» (n'inglés). Astronomy and Astrophysics (1): páxs. 335–341. doi:.
- ↑ Anthony Moffat (xunetu 2012). «The mass of the planet-hosting giant starβGeminorum determined from its p-mode oscillation spectrum» (n'inglés). Astronomy and Astrophysics: páxs. 98–98. doi:.
- ↑ Henrique Schmitt (20 avientu 2017). «Fundamental Parameters of 87 Stars from the Navy Precision Optical Interferometer» (n'inglés). The Astronomical Journal (1): páxs. 30-45. doi:.
- ↑ Anthony Moffat (xunetu 2012). «The mass of the planet-hosting giant starβGeminorum determined from its p-mode oscillation spectrum» (n'inglés). Astronomy and Astrophysics: páxs. 98–98. doi:.
- ↑ Eva Grebel (11 febreru 2016). «SP_Ace: a new code to derive stellar parameters and elemental abundances» (n'inglés). Astronomy and Astrophysics: páxs. 2–2. doi:.
- ↑ «Spectral Classification» (n'inglés). Annual Review of Astronomy and Astrophysics (1): páxs. 29-50. setiembre 1973. doi:.
- ↑ Geoffrey Marcy (20 payares 2006). «Precise Radial Velocities of Giant Stars. II. Pollux and Its Planetary Companion» (n'inglés). The Astrophysical Journal (1): páxs. 661–665. doi:.
- Pollux (SIMBAD)
- Allen, Richard Hinckley (1889). «Gemini», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 24 de setiembre de 2010.
- Pollux (Stars, Jim Kaler)
- Pollux (Solstation)
Coordenaes: 
7h 45m 18.95s, 28° 1′ 34.316″
Datos: Q13028
Multimedia: Pollux (star)
