Abrir el menú principal
Wikipedia:Correxir

The Ethnologue: Languages of the World (L'etnólogu: llingües del mundu n'asturianu) ye una publicación virtual ya impresa de SIL International, conocida n'asturianu como lInstitutu Llingüísticu de Branu, una organización evanxélica de servicios llingüísticos qu'estudia les llingües menos conocíes pa prover misioneros a los sos falantes nos Estaos Xuníos. Anguaño tien estadístiques de 6809 llingües (d'alcuerdu cola so páxina d'Internet en data de febreru de 2007, la edición del 2000 tenía 6912), incluyendo'l númberu de falantes, la so ubicación, dialeutos, afiliación llingüística, etc. Actualmente ye un de los inventarios llingüísticos más grandes, xunto al Linguasphere Register. Ethnologue ofrez tamién un códigu de tres carateres llamáu códigu SIL pa toles llingües descrites, escediendo muncho lo incluio nos estándares ISO 639 y RFC 3066.

CrítiquesEditar

Al facer daqué tan grande, ye inevitable tener dellos errores. Por casu, pala edición númberu catorce amestáronse llingües como'l Chenoua, mientres que se suprimieron otres supuestes llingües, como'l Nemadi o el Wutana.

Asina mesmo, discutióse la neutralidá de los criterios utilizaos por Ethnologue, especialmente colo relacionao cola Biblia y les relixones. Por exemplu, un casu destacáu ye'l de la clasificación del árabe cabo l'hebréu como llingües semítiques del sur, dixebrándoles del araméu, anque normalmente considérense al hebréu y l'araméu llingües averaes.

Amás d'un nome principal pa la llingua, Ethnologue suel dar una llista estensa, anque normalmente incompleta, d'otros nomes alternativos utilizaos polos falantes, los gobiernos, otros países, etc. ensin considerar otres cuestiones, como la oficialidá o la corrección política.

Enllaces esternosEditar