Eugenio Prieto Álvarez

Eugenio Prieto Álvarez
Vida
Nacimientu	Uviéu, 23 de xunu de 1940 (84 años)
Nacionalidá	España
Estudios
Llingües falaes	castellanu
Oficiu	empresariu

Eugenio Prieto Álvarez (23 de xunu de 1940, Uviéu) ye un empresariu asturianu que foi presidente del Real Uviéu dende 1988 a 2002.

Biografía

De mozu foi boxeador amateur, conocíu nel mundu del boxéu como "El Tarrón". Convirtióse en presidente del Real Uviéu en 1988, una vegada llográu l'ascensu del equipu a Primer División pol so antecesor José Manuel Bango Fonte (que tuvo qu'abandonar la presidencia del Uviéu por cuenta d'una dolencia cardiaca). Daquella, l'equipu taba en Primer División, con una delda d'un millón y mediu d'euros. En 1991 l'equipu clasificóse por primer vegada pa xugar la copa de la UEFA. Xestionó'l club hasta 2002, añu nel cual dexó al club nuna precaria situación económica, con más de 40 millones d'euros de delda, y baxáu a Segunda División. Anguaño ye un accionista minoritariu de la entidá. La so actividá profesional ta venceyada al mundu industrial, nel sector de les artes gráfiques, siendo propietariu d'Eujoa.

Ye militante activu de l'Agrupación Municipal Socialista d'Uviéu-PSOE. En 2002, n'abandonando al Real Uviéu, compitió col tamién socialista Leopoldo Tolivar Alas pa ser el candidatu del PSOE a l'alcaldía d'Uviéu, pero salió derrotáu.

Ver tamién

Presidentes del Real Uviéu

Referencies

Predecesor:
José Manuel Bango Fuente

Presidente del Real Uviéu
1988-2002

Socesor:
Manuel Lafuente Robledo