Eyjafjallajökull
Eyjafjallajökull ye ún de los glaciares más pequeños d'Islandia. Ta asitiáu al norte de la rexón de Soðurland y al oeste del glaciar de mayor tamañu Mýrdalsjökull.
| Eyjafjallajökull | |
|---|---|
| Eyjafjallajökull (is) | |
 | |
| Situación | |
| País insular |  Islandia |
| Rexones | Suðurland (es)  |
| Tipu |
casquete de hielo (es) |
| Coordenaes | 63°38′N 19°36′W / 63.63°N 19.6°O |
  Eyjafjallajökull Eyjafjallajökull (Islandia) | |
| Datos | |
| Altitú media | 1651 m |
| Superficie | 78 km²[1] |
| Fusu horariu | UTC±00:00 |
 | |
Etimoloxía
editarEyjafjallajökull ye un términu islandés compuestu por trés pallabres: Eyja-fjalla-jökull. Eyja- ye'l plural xenitivu de la pallabra ey, que significa «islla». De fechu, refierse al archipiélagu vecín de les Islles Vestman. La parte central -fjalla- ye'l plural xenitivu de fjall, que significa «monte». El términu Eyjafjöll úsase davezu pa denomar a los montes y la zona non habitada del suroeste del volcán. La parte final -jökull significa «glaciar». Poro, la traducción ye“el glaciar nos montes xunto a les islles”.[2]
Topografía
editarL'Eyjafjallajökull atópase nel valle Þórsmörk, al norte, y la costa del océanu Atlánticu, al sur. El glaciar cubre un volcán activu, del mesmu nome, que tien un altor de más 1600 msnm.
La capa de xelu del glaciar cubre un volcán, l'Eyjafjalla,[3] de 1.666 m d'altitú, qu'entró n'erupción con una frecuencia relativa dende la Edá de xelu. La penúltima erupción foi de 1821 a 1823, causando un fatal desplazamientu del glaciar. N'abril de 2010 el volcán vuelve entrar n'erupción . El cráter del volcán tien un diámetru d'ente 3 y 4 quilómetros y el glaciar cubre un área d'unos 100 km².
L'estremu sur del monte foi una vegada parte de la llinia de la mariña atlántica. Como'l mar retiróse unos 5 quilómetros, la llinia de la mariña anterior foise detrás de los cantiles serrapatosos con un gran númberu de tabayones de muncha guapura, siendo la más conocida d'elles la Skógafoss. Con vientos fuertes, l'agua de los tabayones pue xubir percima del monte.
Ver tamién
editarReferencies
editar- ↑ URL de la referencia: http://www.icelandontheweb.com/articles-on-iceland/nature/glaciers/eyjafjallajokull/.
- ↑ Páll Einarsson. «Eyjafjallajökull is not a difficult word» (inglés). Háskóli Íslands Institute of Earth Sciences. Archiváu dende l'orixinal, el 2020-09-19. Consultáu'l 23 d'abril de 2017.
- ↑ Eyjafjalla, nome del glaciar islandés Archiváu 2015-04-02 en Wayback Machine www.canaries7.es
Enllaces esternos
editar
Wikimedia Commons acueye conteníu multimedia sobre Eyjafjallajökull.- Historia del Eyjafjallajökull (islandés)
- Semeyes de www.islandsmyndir.is
- Actual actividá sísmica n'Islandia (inglés ya islandés)
Datos: Q39651- Multimedia: Eyjafjallajökull
