Fátima Mernissi

Fatema Mernissi –n'árabe, فاطمة مرنيسي Fātima Marnīsī, n'ocasiones tamién trescritu como Fátima Mernissi– (Fez, 1940-Rabat, el 30 de payares de 2015) foi una escritora marroquina.

Fátima Mernissi
profesora
Vida
Nacimientu	Fez (es) , 27 de setiembre de 1940
Nacionalidá	Marruecos
Muerte	Rabat, 30 de payares de 2015 (75 años)
Estudios
Estudios	Sorbona Universidá Brandeis
Llingües falaes	francés árabe inglés Árabe marroquín
Oficiu	escritora, ensayista, socióloga, profesora universitaria, escritora de non ficción, activista polos derechos de les muyeres, feminista
Emplegadores	Universidá Mohamed V
Premios	ver Premiu Princesa d'Asturies de les Lletres  (2003) Premiu Erasmus  (2004)
Seudónimos	Fatma Aït Sabah
Creencies
Relixón	islam
IMDb	nm1031314

Mernissi estudió Ciencies Polítiques y foi becada pola Sorbona pa un doctoráu na Universidá de Brandeis, Estaos Xuníos. Historiadora, ensayista, doctora en socioloxía y profesora na Universidá Mohamed V de Rabat. Foi una de les intelectuales marroquines más conocíes n'Europa, destacando pola so defensa de los derechos de la muyer y ser una autoridña mundial n'estudios d'El Corán. Últimamente interesábase pola influencia de les nueves teunoloxíes de la comunicación nel nacimientu de la sociedá civil nel mundu árabe.

Ente les sos obres destaquen Sexo, ideología e Islam 1975, El harén político: el profeta y las mujeres, 1987 [hai una edición española: Guadarrama, ediciones del oriente y del mediterráneo,1999], que ye un estudiu históricu onde narra l'importante papel de les muyeres de Mahoma, Sultanas olvidadas 1990 [hay una edición española en El Aleph Editores, 1996], Marruecos a través de las mujeres 1991 [6ª edición española d'ediciones del oriente y del mediterráneo, 2007], consistente nuna riestra d'entrevistes a campesines, videntes, obreres y sirvientes; y especialmente El hilo de Penélope 2004, onde nos muestra un Marruecos que avanza hacia la modernización, tanto teunolóxica como social, ensin escaecer los sos vezos ancestrales. Otres obres: El miedo a la modernidad: islam y democracia [ediciones del oriente y del mediterráneo, 2007], obra na que fai un análisis del nuevu orden mundial impuestu depués la Guerra del Golfu;Aixa y el hijo del rey o ¿quién puede más el hombre o la mujer? [ediciones del oriente y del mediterráneo, 1990], guapu cuentu popular marroquín en clave feminista; Sueños en el Umbral: Memorias de una niña del harén (El Aleph Editores, 1996), La mujer en la otra orilla , y El amor en el Islam (Aguilar, 2008).

Referencies

• Datos: Q242376
• Multimedia: Fatima Mernissi
• Cites famoses: Fatima Mernissi