Florencio Entrialgo Ortiz
Florencio Entrialgo Ortiz (4 de xunetu de 1892, Pion – 27 de setiembre de 1957, Saint-Juéry) foi un trabayador del vidriu y anarcosindicalista asturianu, activu en Badalona.[3]
Florencio Entrialgo Ortiz | |
|---|---|
| Vida | |
| Nacimientu | Pion[1], 4 de xunetu de 1892[2] |
| Nacionalidá |
 España |
| Muerte | Saint-Juéry[2], 27 de setiembre de 1957[2] (65 años) |
| Familia | |
| Padre | Lorenzo Entrialgo Vallejo |
| Madre | Ramona Ortiz |
| Estudios | |
| Llingües falaes |
catalán castellanu |
| Oficiu | anarcosindicalista |
 | |
Biografía
editarNació na parroquia de Pion (Villaviciosa), yera fíu de Lorenzo Entrialgo, un llabrador, y Ramona Ortiz.[3] Na so tierra natal empecipió la llucha revolucionaria, pero se vio obligáu a abandonar la so tierra ya instalóse na ciudá de Badalona. Militante de la CNT, foi delegáu del Sindicatu de la Industria del Cristal de Badalona na Conferencia Rexonal de la CNT de Cataluña, celebrada en Barcelona'l 31 de mayu y 1 de xunu de 1931. En payares de 1932 asistió, xunto con Joan Manent y Pere Cané, nuna xunta con unos antiguos pistoleros de los Sindicatos Llibres barceloneses, quien denunciaron la organización y realización de numberosos crímenes mientres los años del pistolerismu, que fueron puestos en conocencia de l'Audiencia de Barcelona. Ente la inactividá de les autoridaes xudiciales republicanes, Entrialgo foi unu de los 46 militantes de la CNT de Badalona que roblaron un manifiestu de denuncia en contra d'esa pasividá. En delles ocasiones mientres la guerra civil foi representante de la CNT nel Conceyu de Badalona y quedó bien afectáu pola muerte del so fíu Eutiquio nel frente de Teruel. Exilió en 1939 a Francia, ellí foi recluyíu en campos de concentración y dempués militó na Federación Llocal de la CNT de Saint-Juéry, onde morrió en 1957.
Referencies
editar- ↑ URL de la referencia: http://www.estelnegre.org/anarcoefemerides/2709.html. Data de consulta: 25 abril 2023.
- ↑ 2,0 2,1 2,2 URL de la referencia: http://www.estelnegre.org/anarcoefemerides/2709.html.
- ↑ 3,0 3,1 Ateneu Llibertari Estel Negre (ed.): «Anarcoefemèrides del 27 de setembre» (catalán).
Enllaces esternos
editar
Datos: Q24042428
