Foru Asturies
Foru Asturies (FORU) (oficialmente Foro Asturias (FORO) en castellanu) ye un partíu rexonalista asturianu de centrodrecha. El so primer presidente foi Francisco Álvarez Cascos.
| Foru Asturies | |
|---|---|
 | |
| Fundador/a | Francisco Álvarez-Cascos Fernández |
| Presidente | Carmen Moriyón |
| Secretaría xeneral | Adrián Pumares |
| Voceru/a | Adrián Pumares Suárez (na Xunta Xeneral del Principáu d'Asturies) |
| Fundación | 19 de xineru de 2011 |
| Sede | Uviéu |
| Estáu |
 España |
| Ideoloxía política | conservadorismu y rexonalismu asturianu |
| Posición nel espectru | centru derecha |
| Páxina web | foroasturias.es |
 | |
Historia
editarFundóse'l 18 de xineru de 2011 como una dixebra del Partíu Popular del Principáu d'Asturies. L'exministru Francisco Álvarez Cascos foi la figura impulsora d'esta iniciativa, en rempuesta a la imposibilidá de presentase como candidatu del Partíu Popular nes eleiciones autonómiques d'Asturies de 2011.
Nes eleiciones autonómiques d'Asturies de 2011 el partíu ganó en númberu d'escaños, polo que Francisco Álvarez Cascos pudo establecer un gobiernu en minoría, pero tuvo que convocar eleiciones anticipaes pa 2012, perdiendo'l gobiernu. Nel añu 2015, Francisco Álvarez Cascos anuncia la so dimisión como presidente de la formación, siendo Cristina Coto la socesora d'esti hasta xunu 2018, cuando dexa'l partíu por una desautorización d'Álvarez Cascos.[1] Foru llogró 3 escaños nel Parllamentu asturianu baxo la presidencia de Coto, pasando de 12 a 3 escaños.
El 29 de setiembre de 2018 Foru Asturies escueye a Carmen Moriyón como socesora de Cristina Coto, convirtiéndose na III presidenta d'esta formación.[2] Nesi mesmu día, Adrián Pumares, quien fuera conceyal d'esti partíu en Noreña, ye escoyíu secretariu xeneral de Foru. Esti presentóse a les eleiciones a la Xunta Xeneral del Principáu d'Asturies de 2012, algamando namái que 2 escaños. Foron escoyíos como parllamentarios, Adrián Pumares y Pedro Leal, esti últimu yera'l númberu 3 de la llista, pero algamó l'escañu tres la renuncia de Moriyón a ser parllamentaria tres los malos resultaos eleutorales.
Foru Asturies tuvo representación propia en 2011 con Enrique Álvarez Sostres nel Congresu de los Diputaos hasta 2015, cuando Foru decide dir en coalición col PP a les eleiciones xenerales d'España de 2015, llogrando representación con Isidro Martínez Oblanca. Tamién llograron representación nes eleiciones xenerales de 2016, hasta que nes eleiciones xenerales d'abril de 2019, en coalición col Partíu Popular, perdió l'escañu. La Comisión Direutiva de Foru Asturies aldericó sobre si dir de nuevu a la repetición eleutoral del 10 de payares, Carmen Moriyón s'opuso col sofitu de 14 de persones, mientres que Francisco Álvarez Cascos, siendo vicepresidente d'esti partíu, votó a favor col sofitu de 19 persones. Finalmente Foru Asturies repitió la coalición col PP pa dir les eleiciones xenerales d'España de payares de 2019, recuperando l'escañu d'Isidro Martínez Oblanca.
En payares de 2019 Carmen Moriyón noma a Xicu Xabel Díaz, José Suárez Arias-Cachero y Guzmán Fernández como miembros de la Comisión Direutiva.[3] Dellos miembros de la direutiva entendieron estos nomamientos como un intentu de camudar la llinia ideolóxica de Foru, acusando a Moriyón de facer un chisgo a la FSA p'aprobar los presupuestos autonómicos y la declaración d'oficialidá del asturianu. Esto entamó una guerra dientro'l partíu ente la exalcaldesa de Xixón y l'exministru de fomentu, Francisco Álvarez Cascos. Finalmente'l 16 de payares de 2019 Álvarez Cascos espubliza un comunicáu anunciando la so renuncia al cargu de vicepresidente de Foru Asturies.[4][5]
Resultaos eleutorales
editarXunta Xeneral del Principáu d'Asturies
editar| Añu | Votos[6] | Escaños | +/- | Candidatu |
|---|---|---|---|---|
| 2011 | 178.031 | 16/45 |
+16 | Francisco Álvarez Cascos |
| 2012 | 124.518 | 12/45 |
-4 | Francisco Álvarez Cascos |
| 2015 | 44.480 | 3/45 |
-9 | Cristina Coto |
| 2019 | 34.388 | 2/45 |
-1 | Carmen Moriyón |
Congresu de los Diputaos
editar| Añu | Votos | Escaños | +/- | Candidatu/a |
|---|---|---|---|---|
| 2011 | 92.828 | 1/8 |
+1 | Enrique Álvarez Sostres |
| 2015
(En coalición col PP) |
187.568 | 1/8 |
Isidro Martínez Oblanca | |
| 2016
(En coalición col PP) |
209.632 | 1/8 |
Isidro Martínez Oblanca | |
| 2019 (Abril)
(En coalición col PP) |
112.180 | 0/7 |
-1 | Isidro Martínez Oblanca |
| 2019 (Payares)
(En coalición col PP) |
128.698 | 1/7 |
+1 | Isidro Martínez Oblanca |
Senáu
editar| Añu | Votos | Escaños | +/- | Candidatu/a |
|---|---|---|---|---|
| 2011 | 88.950 | 0/5 |
Miguel Ángel Conde León | |
| 2015 | 171.727 | 1/5 |
+1 | Rosa Domínguez de Posada |
| 2016 | 198.473 | 1/5 |
Rosa Domínguez de Posada | |
| 2019 (abril) | 104.893 | 0/5 |
-1 | Camino Gutiérrez Gutiérrez |
| 2019 (payares) | 0/5 |
Camino Gutiérrez Gutiérrez |
Referencies
editar- ↑ Cristina Coto dimite como presidenta y portavoz de Foro: «Llegó el momento de decir basta» https://www.elcomercio.es/politica/cristina-coto-dimite-presidenta-foro-asturias-20180615122117-nt.html
- ↑ Carmen Moriyón, nueva presidenta de Foru https://www.rtpa.es/asturias-ast-amp:Carmen-Moriyon,-nueva-presidenta-de-Foro-_111538215079.html
- ↑ Moriyón se rodea de dirigentes partidarios de la oficialidad en la ejecutiva de Foro https://www.elcomercio.es/politica/moriyon-rodea-dirigentes-partidarios-oficialidad-foro-20191112150028-nt.html
- ↑ Álvarez-Cascos dimite como vicepresidente de Foro Asturias tras las disputas internas https://www.elconfidencial.com/espana/2019-11-16/alvarez-cascos-dimite-vicepresidente-foro-asturias_2339924/
- ↑ Guerra abierta en Foro: Cascos dimite como vicepresidente y atiza a Moriyón https://www.lavozdeasturias.es/noticia/asturias/2019/11/16/guerra-abierta-foro-cascos-dimite-vicepresidente-atiza-moriyon/00031573899105975435881.htm
- ↑ Resultaos eleutorales
Enllaces esternos
editar
Wikimedia Commons acueye conteníu multimedia sobre Foru Asturies.
Datos: Q1437906- Multimedia: Foro Asturias
