Federación Socialista Asturiana
La Federación Socialista Asturiana (FSA-PSOE) ye una organización política de corte socialdemócrata que constitúi la federación asturiana del Partíu Socialista Obreru Español.
Federación Socialista Asturiana | |
---|---|
![]() | |
Acrónimu | FSA |
Secretaría xeneral | Adrián Barbón |
Fundación | 1891 |
Sede | Uviéu |
Estáu |
![]() |
Ideoloxía política | socialdemocracia, republicanismu y rexonalismu asturianu |
Páxina web | fsa-psoe.org |
![]() |
Tres la creación del PSOE'l 2 de mayu de 1879, dirán entamándose grupos socialistes nes principales llocalidaes asturianes. D'esta manera surde en febreru de 1891 l'agrupación llocal de Xixón a la que sigue la d'Uviéu en marzu 1892 y les de Mieres y Sama (Llangréu) en 1897. Ente los años 1899 y 1901 el socialismu enraigona n'Asturies y finalmente'l 27 de xineru de 1901 celébrase nel Centru Obreru d'Uviéu'l Congresu fundacional de la Federación Socialista Asturiana del Partíu Socialista Obreru Español (FSA-PSOE). Manuel Vigil Montoto ye escoyíu presidente del primer Comité Provincial.
En 1934, la FSA formó parte de l'alianza obrera formalizada na UHP y tuvo acordies col pautu suscritu ente'l sindicatu socialista UXT y la Confederación Rexonal del Trabayu d'Asturies, Llión y Palencia de la organización anarcosindicalista CNT. La UHP —a la que se-y diríen sumando depués otres organizaciones obreres— tuvo una importancia significativa na Revolución de 1934.
Mientres la Guerra Civil Española'l socialista Belarmino Tomás va presidir el Conseyu Interprovincial d'Asturies y Lleón, tresformáu depués en Conseyu Soberanu d'Asturies y Llión.
Tres el franquismu y cola denomada Transición Española, la FSA repon el protagonismu. Nesa dómina Felipe González va dar un un mitín nel estadiu d'El Molinón de Xixón al qu'asisten 25.000 persones.
La FSA consegurirá algamar la Presidencia del Principáu en 1983 con Pedro de Silva. En 1991 asocéde-y Juan Luis Rodríguez Vigil, quien en presentando la dimisión pol escándalu del Petromocho va ser sustituyíu por Antonio Trevín en 1993. Tres una llexislatura na oposición, la FSA consigue en 1999 de la mano Vicente Álvarez Areces aportar de nuevu al gobiernu autonómicu.
Llista de Secretarios Xenerales de la FSA-PSOE dende 1975
editarNome | Periodu | Ref. |
---|---|---|
Jesús Sanjurjo González | 1975-1977 | [1][2] |
Rafael Fernández Álvarez | 1977-1978 | [1][2] |
Jesús Sanjurjo González | 1978-1988 | [1][2] |
Luis Martínez Noval | 1988-2000 | [3] |
Javier Fernández Fernández | 2000-2017 | [4] |
Adrián Barbón | 2017- | [5] |
Resultaos eleutorales
editarAñu | Votos | Porcentaxe | Candidatu |
---|---|---|---|
1983 | 293.320 | 51.96% | Pedro de Silva Cienfuegos-Jovellanos |
1987 | 222.326 | 28.85% | |
1991 | 218.193 | 41.02% | Juan Luis Rodríguez-Vigil |
1995 | 219.527 | 33.87% | Antonio Trevín |
1999 | 284.972 | 46% | Vicente Álvarez Areces |
2003 | 250.474 | 40.48% | |
2007 | 252.201 | 42.04% | |
2011 | 179.619 | 29.92% | Javier Fernández Fernández |
2012 | 161.154 | 32.09% | |
2015 | 143.851 | 26,48% | |
2019 | 185.442 | 35.25% | Adrián Barbón |
2023 | 195.999 | 36.49% |
Ver tamién
editarReferencies
editar- ↑ 1,0 1,1 1,2 «La Transición Federación Socialista Asturiana».
- ↑ 2,0 2,1 2,2 Mateos López, Abdón (2017). La reconstrucción del PSOE durante la transición. Una perspectiva territorial. (en castellanu). UNED. ISBN 9788436272895.
- ↑ «Martínez Noval releva a Sanjurjo en la secretaría del PSOE de Asturias» (castellanu) (24 d'abril de 1988). Consultáu'l 18 d'abril de 2020.
- ↑ «Javier Fernández, el líder que no miró atrás» (castellanu) (20 de xunetu de 2019). Consultáu'l 18 d'abril de 2020.
- ↑ «Adrián Barbón, nuevo secretario general del PSOE Asturias tras ganar las primarias» (castellanu) (17 de setiembre de 2017). Consultáu'l 18 d'abril de 2020.