Frances Dade
Frances Dade (14 de febreru de 1910, Filadelfia – 21 de xineru de 1968, Filadelfia), tamién conocida como Lorelei Lee, foi una actriz cinematográfica d'Estaos Xuníos de los años venti y trenta.
Frances Dade | |
|---|---|
 | |
| Vida | |
| Nacimientu | Filadelfia, 14 de febreru de 1910[1] |
| Nacionalidá |
 Estaos Xuníos |
| Llingua materna | inglés |
| Muerte | Filadelfia, 21 de xineru de 1968[1] (57 años) |
| Familia | |
| Madre | Frances Rawle Martin |
| Estudios | |
| Llingües falaes | inglés |
| Oficiu | actriz, actriz de cine |
| IMDb | nm0196596 |
 | |
Nacida y criada en Filadelfia, Pennsylvania, Dade treslladóse a Hollywood, California, a finales de los años venti con cuenta de faer una carrera como actriz. Nos sos entamos apaecía na repartida col nome de "Lorelei Lee". Llamó l'atención de los cineastes mientres trabayaba na compañía de viaxes "Gentlemen Prefer Blondes". El so primer papel llegó en 1928, con una actuación ensin apaecer nos creitos xunto a les estrelles Dorothy Boyd y Mabel Poulton en The Constant Nymph. En 1930 fixo cuatro rodaje, unu d'ellos ensin creitos.
En 1931 consiguiría'l papel más importante de la so carrera, cuando interpretó a "Lucy Westenra" en Drácula, película protagonizada por Béla Lugosi y Helen Chandler. Dende entós foi conocida como la "más memorable víctima de Drácula", y l'escena con Bela Lugosi acurriéndose sobre'l so cuerpu postráu permanez como una parte indeleble de la cultura pop. Esi papel apurriría-y una curtia notoriedá, y facilitó-y el ser escoyida una de los trelce "WAMPAS Baby Stars" d'esi añu. La llista de trece actrices escoyíes incluyía a Marian Marsh, Karen Morley, y Marion Shilling.
Sicasí, a pesar de la so actuación en Drácula, les ufiertes que recibía menguaron. Trabayó en seis películes en 1931, trés d'elles del xéneru de terror, y en 1932 namái actuó nun filme, Big Town. Esi mesmu añu interpretó en Broadway la obra Collision, que tuvo un ésitu discretu. Poco dempués retiróse y casóse con Brock Van Avery. Finalmente volvió a Filadelfia, dedicándose a la enfermería. Finó nesa ciudá en 1968.
Referencies
editar- Frances Dade na Internet Movie Database (n'inglés)
- Frances Dade na Internet Broadway Database (n'inglés)
- Biografía de Frances Dade (enllaz rotu disponible n'Internet Archive; ver l'historial y la última versión).
Referencies
editar- ↑ 1,0 1,1 Afirmao en: Internet Movie Database. Identificador IMDb: nm0196596. Data de consulta: 21 xunetu 2016. Llingua de la obra o nome: inglés.
Enllaces esternos
editar
Datos: Q5478594
Multimedia: Frances Dade
