Frank-Walter Steinmeier
Frank-Walter Steinmeier (5 de xineru de 1956, Detmold) ye un políticu alemán, miembru del Partíu Socialdemócrata d'Alemaña (SPD, poles sos sigles n'alemán). Ye l'actual Presidente d'Alemaña dende'l 19 de marzu de 2017. Dende 2005 hasta 2009 y nuevamente de 2013 a 2017 foi ministru de Rellaciones Esteriores, dende payares de 2007 tamién vicecanciller d'Alemaña. N'ochobre de 2007 foi escoyíu vicepresidente federal del SPD. De 1999 a 2005 foi xefe de la Cancillería Federal (cargu comparable al ministeriu de la Presidencia español); mientres el primer semestre de 2007 amás foi presidente del Conseyu de la Unión Europea. El 7 de setiembre de 2008 foi nomáu candidatu a canciller d'Alemaña pol SPD pa les eleiciones de 2009, enfrentándose a Angela Merkel.[17]
_2.jpg)
En febreru de 2017 foi escoyíu como presidente d'Alemaña. Asumió'l cargu'l 19 de marzu.[18]
Biografía
editarSteinmeier nació en 1956 como fíu d'un ebanista y una obrera, dambos de relixón protestante. N'emprestando'l so serviciu militar, estudió derechu ente 1976 y 1980, dempués siguió estudios de ciencies polítiques ente 1980 y 1982 na Universidá de Gießen. Trabayó na facultá de Derechu Públicu y Ciencies Polítiques y escribió una tesis doctoral sobre les persones ensin llar. Ta casáu y tien una fía.
Trayeutoria política
editarYá cuando yera alumnu, Steinmeier foi miembru de les Mocedaes Socialistes y entró nel SPD en payares de 1975. Sicasí, nun fixo una carrera política típica, yá que nun ocupó nengún cargu destacáu dientro del so partíu hasta finales d'ochobre de 2007, cuando nun congresu del partíu foi escoyíu nel cargu d'unu de los trés vicepresidentes federales.
En 1991, Steinmeier ocupó'l so primer cargu públicu, un puestu na cancillería del estáu federáu de Baxa Saxonia, onde a partir de 1993 foi xefe del despachu personal de Gerhard Schröder, coles mesmes primer ministru de Baxa Saxonia. En 1996 foi nomáu secretariu d'Estáu y xefe de la cancillería de Baxa Saxonia.
Dempués de que Gerhard Schröder fuera escoyíu canciller federal en 1998, Steinmeier siguiólu a Bonn y foi nomáu secretariu d'Estáu dientro de la Cancillería Federal y Encargao de los servicio d'intelixencia alemanes. En 1999 foi xubíu a xefe de la Cancillería Federal. Sicasí, a diferencia de dellos de los sos predecesores nesti cargu, nun ocupó'l títulu de ministru federal.
Steinmeier foi consideráu unu de los collaboradores más próximos de Schröder. Polo xeneral, actuó con perfil baxu y nun salió enforma na prensa, pero participó viviegamente nel diseñu estratéxicu de la política de Schröder, por casu na reforma del sistema de pensiones y de sanidá, nes reformes económicu y social y na reforma fiscal de 2003.
Dempués de la derrota del SPD nes eleiciones federales de 2005 y la formación d'una Gran Coalición de CDU y SPD baxu Angela Merkel, el 22 de payares de 2005 Steinmeier foi nomáu ministru d'Asuntos Esteriores en reemplazu de Joschka Fischer. Pa munchos, esti nomamientu foi sorprendente, yá que Steinmeier yera práuticamente un desconocíu pal públicu alemán. Sicasí, les reacciones na mayoría yeren positives, incluyida la del ex-ministru d'Asuntos Esteriores Hans-Dietrich Genscher.
Steinmeier ye consideráu un pragmáticu con capacidá d'imponer les sos idees. Como xefe de la Cancillería y coordinador de los servicios d'intelixencia, ganara esperiencia internacional; dempués de los atentaos del 11 de setiembre de 2001 foi miembru del comité de crisis xunto col canciller y los ministros d'Asuntos Esteriores, Interior y Defensa.
Como ministru, Steinmeier siguió les pautes xenerales de la política del so predecesor Fischer, convirtiéndose n'unu de los políticos más populares d'Alemaña. Nel primer semestre de 2007, foi presidente de vez del Conseyu de la Unión Europea.
A diferencia de munchos de los sos predecesores, Steinmeier al entamu nun ocupó'l títulu de vicecanciller, que quedó reserváu al ministru de Trabayu y Asuntos Sociales Franz Müntefering. Sicasí, llueu empezó a ganar pesu dientro del so partíu, y n'ochobre de 2007 foi escoyíu vicepresidente del SPD. Amás, dempués de que, en payares de 2007, Franz Müntefering anunciara la so retirada provisional de la política, Steinmeier tamién adoptó'l cargu de vicecanciller, convirtiéndose nel personaxe más importante del SPD dientro del gobiernu alemán. En setiembre de 2008, Steinmeier foi designáu candidatu a la cancillería nes eleiciones llexislatives federales de 2009 pol SPD. Amás, en setiembre de 2008 adoptó provisionalmente la presidencia del so partíu dempués de la dimisión del anterior presidente Kurt Beck, hasta que n'ochobre de 2008 Franz Müntefering foi reelixíu pa esti cargu.
N'agostu de 2010 anunció la so retirada de la política pa donar un reñón a la so esposa enferma.[19]
A pesar de tar más de dos meses fuera del espectru políticu, n'ochobre de 2010 volvió asumir el mandu del grupu parllamentariu de SPD, calteniendo les sos crítiques al primer añu de gobiernu de la coalición de centru derecha empobinada por Merkel y valorando la medría de sofitu al SPD nes encuestes (31 % n'ochobre de 2010), yá que a pesar de que cunta que caltién un magro resultáu nes encuestes, diz qu'esta por bien enriba del críticu 23 % llográu nes eleiciones de 2009. Tres una llexislatura como líder de la oposción, tornó al gobiernu federal ocupando de nuevu la cartera d'Asuntos Esteriores, tres el pactu de gran coalición ente la CDU y el SPD.[20]
Steinmeier foi'l candidatu de la gran coalición pal cargu de Presidente d'Alemaña nes eleiciones presidenciales de 2017,[21] siendo escoyíu. Asumió'l cargu'l 19 de marzu de 2017,[18][22] asocediendo a Joachim Gauck.
Ver tamién
editarReferencies
editar- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ «Mein Umfeld» (alemán). Frank-Walter Steinmeier. Archiváu dende l'orixinal, el 18 payares 2016. Consultáu'l 18 payares 2016.
- ↑ Afirmao en: quirinale.it. Identificador Orden al Mérito de la República italiana: 360243. Data de consulta: 20 mayu 2021. Llingua de la obra o nome: italianu.
- ↑ Afirmao en: quirinale.it. Identificador Orden al Mérito de la República italiana: 173899. Llingua de la obra o nome: italianu.
- ↑ URL de la referencia: https://www.kongehuset.no/tildelinger.html?tid=28028&sek=27995&q=steinmeier&type=&aarstall=.
- ↑ 7,0 7,1 URL de la referencia: http://www.ordens.presidencia.pt/?idc=154.
- ↑ URL de la referencia: http://www3.huji.ac.il/htbin/hon_doc/doc_search.pl?search. Data de consulta: 3 marzu 2017.
- ↑ Afirmao en: Facebook. Identificador de Facebook: ministeriebz/posts/1709292999381366?comment_id=1710437585933574. Llingua de la obra o nome: inglés. Autor: Mark Zuckerberg.
- ↑ URL de la referencia: https://web.archive.org/web/20171107011001/http://www.zeit.de/news/2017-01/26/deutschland-steinmeier-mit-orden-der-franzoesischen-ehrenlegion-ausgezeichnet-26193206.
- ↑ URL de la referencia: https://www.prezident.sk/page/vyznamenania/.
- ↑ URL de la referencia: http://www.ritarikunnat.fi/index.php/fi/ritarikunnat/rekisterit/216-suomen-valkoisen-ruusun-ritarikunnan-suurristin-ketjuineen-saajat-ulkomaalaiset/.
- ↑ URL de la referencia: https://www.vestnesis.lv/op/2019/37.33.
- ↑ «Modtagere af danske dekorationer». familia real danesa.
- ↑ 15,0 15,1 15,2 15,3 «Dr. Frank-Walter Steinmeier, SPD» (alemán). bundestag.de (15 xineru 1996). Archiváu dende l'orixinal, el 18 payares 2016. Consultáu'l 18 payares 2016.
- ↑ «STEINMEIER: MEIN GLAUBE DARF NICHT SELBST ZUM GEGENSTAND DER POLITIK WERDEN».
- ↑ Los socialdemócrates d'Alemaña nomen al ministru d'Esteriores como candidatu a canciller, El País (España), 7 de setiembre de 2008.
- ↑ 18,0 18,1 Gaucks „Amtszeit endet am 18. März, 24.00 Uhr.“ bundespraesident.de (n'alemán).
- ↑ El líder de la oposición alemana retirar pa donar un reñón a la so esposa, El Mundo, 23 d'agostu de 2010.
- ↑ http://noticias.terra.es/mundo/europa/steinmeir-situa-a-europa-y-eeuu-como-exes-de-la-politica-esterior-alemana,5998f13472103410VgnCLD2000000dc6eb0aRCRD.html
- ↑ Frank-Walter Steinmeier: „Der richtige Kandidat“, Die Zeit, 16 de payares de 2016.
- ↑ presidencia-de-alemania,202346bf59bcbbfda3fb41916f417bc8o7qowk1c.html Steinmeier asume la presidencia d'Alemaña. 19 de marzu de 2017. https://noticies.terra.cl/steinmeier-asume-la presidencia-de-alemania,202346bf59bcbbfda3fb41916f417bc8o7qowk1c.html. Consultáu'l 19 de marzu de 2017.
Enllaces esternos
editar
Wikimedia Commons acueye conteníu multimedia sobre Frank-Walter Steinmeier.
| Predecesor: Bodo Hombach |
 Xefe de Gabinete de la Cancillería Federal d'Alemaña 1999 - 2005 |
Socesor: Thomas de Maizière |
| Predecesor: Joschka Fischer |
Ministru d'Asuntos Esteriores d'Alemaña 2005 - 2009 |
Socesor: Guido Westerwelle |
| Predecesor: Franz Müntefering |
Vicecanciller Federal d'Alemaña 2007 - 2009 |
Socesor: Guido Westerwelle |
| Predecesor: Kurt Beck |
.svg){kind=logo} Presidente del Partíu Socialdemócrata d'Alemaña Interín 2008 |
Socesor: Franz Müntefering |
| Predecesor: Peter Struck |
Presidente del Grupu Socialdemócrata nel Bundestag 2009 - 2013 |
Socesor: Thomas Oppermann |
| Predecesor: Guido Westerwelle |
Ministru d'Asuntos Esteriores d'Alemaña 2013 - 2017 |
Socesor: Sigmar Gabriel |
| Predecesor: Joachim Gauck |
 2017 - actualidá |
Socesor: Nel cargu |
Datos: Q76658- Multimedia: Frank-Walter Steinmeier
