Frecuencia

Frecuencia
	propiedá física escalar, cantidá física y reciprocal duration (en)

La Frecuencia^[1] ye una midida qu'indica'l númberu de repeticiones de cualesquier fenómenu o socesu periódicu nuna unidá de tiempu.

Midida

Pa calcular la frecuencia d'un socesu, contabilícense un númberu d'ocurrencies d'esti teniendo en cuenta un intervalu temporal, llueu estes repeticiones xébrense pol tiempu trescurríu.

Según el Sistema Internacional, el resultáu mídese n'hercios (Hz), n'honor a Heinrich Rudolf Hertz. Un herciu ye un socesu o fenómenu repetíu una vez per segundu, 2 Hz son dos socesos (periodos) per segundu y asina socesivamente. Esta unidá denomóse orixinariamente ciclu per segundu (cps) y tovía se sigue emplegando. Otres unidaes pa indicar la frecuencia son revoluciones per minutu (rpm) y radianes per segundu (rad/s). Les pulsaciones del corazón o el tempo musical mídense como güelpes per minutu (bpm, del inglés beats per minute).

1\,\mathrm {Hz} ={\frac {1}{\mathrm {s} }}

Un métodu alternativu pa calcular la frecuencia ye midir el tiempu ente dos repeticiones (periodu) y llueu calcular la frecuencia (f) recíproca d'esta manera:

f={\frac {1}{T}}

au T ye'l periodu de la señal.

Frecuencies d'ondes

2. Dos frecuencies, una de ritmu superior a la otra.

La frecuencia tien una rellación inversa col conceutu de llonxitú d'onda (ver gráficu 1 y 2), a mayor frecuencia menor llonxitú d'onda y viceversa. La frecuencia f ye igual a la velocidá v de la onda dixebrada pola llonxitú d'onda λ (lambda):

f={\frac {v}{\lambda }}

Nel casu especial d'ondes eleutromagnétiques nel vacíu, tiense que v = c, siendo c la velocidá de la lluz nel vacíu, y poro, tiense que:

f={\frac {c}{\lambda }}

Cuando les ondes viaxen d'un mediu a otru, como por exemplu d'aire a agua, la frecuencia de la onda caltiénse constante, camudando namái la so llonxitú d'onda y la velocidá.

Magar que pueda cimblar pol efeutu Doppler, la frecuencia ye una magnitú invariable nel universu. Ye dicir, nun se pue modificar con nengún procesu físicu sacantes pola so velocidá de propagación o llonxitú d'onda.

Cambéu de frecuencia

Nes ciencies físiques y en telecomunicación, el términu cambéu de la frecuencia tien los siguientes significaos:

Cualesquier cambéu en frecuencia
Un cambéu adré de les señales pa diferentes oxetivos

Exemplos

L'oyíu humanu ye quien a percibir frecuencies ente 20 y 20.000 Hz, magar que va amenorgando cola edá. Esta rempuesta en frecuencia conozse como audiofrecuencia, pero l'espectru sonoru ye más ampliu.
N'Europa, la frecuencia de corriente alterna pa usu domésticu como electrodomésticos ye de 50 Hz, n'América del Norte de 60 Hz.

Ver tamién

Referencies

↑ Esti términu apaez nel Diccionariu de l'Academia de la Llingua Asturiana. Ver: frecuencia

Enllaces esternos

Calculator wavelenght, ferramienta pa convertir la frecuencia en llonxitú d'onda y viceversa (n'inglés)
Calculator period, ferramienta pa convertir el periodu, la duración del ciclu a frecuencia

[1] Esti términu apaez nel Diccionariu de l'Academia de la Llingua Asturiana. Ver: frecuencia

[1]