Telecomunicación
La telecomunicación (del prefixu griegu tele, "distancia" o "lloñe", "comunicación a distancia") ye una téunica consistente en tresmitir un mensax dende un puntu a otru, davezu col atributu típicu adicional de ser bidireicional. El términu telecomunicación cubre toles formes de comunicación a distancia, incluyendo radio, telegrafía, televisión, telefonía, tresmisión de datos ya interconexón d'ordenadores a nivel d'enllaz. El Día Mundial de la Telecomunicación celébrase'l 17 de mayu.
| Telecomunicación | |
|---|---|
rama de la ciencia, disciplina académica y industria (es)  | |
|
comunicación remota (es) | |
 | |
 |
La base matemática sobre la que se desenvuelven les telecomunicaciones foi desendolcada pol físicu escocés James Clerk Maxwell. Maxwell, nel prefaciu de la so obra Treatise on Electricity and Magnetism (1873), declaró que'l so principal llabor consistía en xustificar matemáticamente conceutos físicos descritos hasta esi momentu de forma únicamente cualitativa, como les lleis de la inducción electromagnética y de los campos de fuercia, mentaes por Michael Faraday. Con esti envís, inxirió'l conceutu d'onda electromagnética, que permite una descripción matemática afayadiza de la interacción ente electricidá y magnetismu per aciu de les sos afamaes ecuaciones que describen y cuantifiquen los campos de fuercies. Maxwell albidró que yera posible espardir ondes pel espaciu llibre utilizando descargues eléctriques, fechu que corroboró Heinrich Hertz en 1887, ocho años dempués de la muerte de Maxwell, y que, más sero, supunxo l'entamu de la era de la comunicación rápida a distancia. Hertz desendolcó'l primer tresmisor de radio xenerando radiofrecuencies ente 31 MHz y 1.25 GHz.
Historia
editarLes telecomunicaciones, entamen na primer metada del sieglu XIX col telégrafu eléctrico, que permitió l'unviar mensaxes cuyo conteníu yeren lletres y númberos. A esta invención fixéronse-y dos bultables meyores: la adición, por parte de Charles Wheatstone, d'una cinta afuracada pa poder recibir mensaxes ensin qu'un operador tuviera presente, y la capacidá d'unviar dellos mensaxes pola mesma llinia, que llueu se llamó telégrafu múltiple, añidida por Emile Baudot.
Más sero desendolcóse'l teléfonu, col que foi posible comunicase utilizando la voz, y posteriormente, la revolución de la comunicación inalámbrica: les ondes de radio.
Al entamu del sieglu XX apruz el teletipu que, utilizando'l códigu Baudot, permitía unviar testu en daqué asemeyáu a una máquina de plumiar y tamién recibir testu, que yera imprentáu por tipos aballaos por relés.
El términu telecomunicación foi definíu per primer vegada nel conceyu conxuntu de la XIII Conferencia de la UTI (Unión Telegráfica Internacional) y la III de la URI (Unión Radiotelegráfica Internacional) qu'entamó en Madrid el día 3 de setiembre de 1932. La definición entós aprobada del términu foi: "Telecomunicación ye toa tresmisión, emisión o receición, de signos, señales, escritos, imáxes, soníos o informaciones de cualesquier triba por filu, radioelectricidá, medios ópticos u otros sistemas electromagnéticos".
El siguiente artefautu revolucionariu nes telecomunicaciones foi'l módem que fizo posible la tresmisión de datos ente ordenadores y otros dispositivos. Nos años 60's entama a ser utilizada la telecomunicación nel campu de la informática col usu de satélites de comunicación y les redes de conmutación de paquetes.
La década siguiente carauterizóse por la apaición de les redes d'ordenadores y los protocolos y arquiteutures que serviríen de base pa les telecomunicaciones modernes (nestos años apaez l'ARPANET, que dio orixe a la Internet). Tamién nestos años entama'l puxu de la normalización de les redes de datos: el CCITT trabaya na normalización de les redes de conmutación de circuitos y de conmutación de paquetes y la Organización Internacional pa la Estandarización crea'l modelu OSI. Nes fines de los años setenta apaecen les redes d'área llocal o LAN.
Nos años 1980, cuando los ordenadores personales tornáronse populares, surden les redes dixitales. Na cabera década del sieglu XX apaez Internet, que se espardió enormemente y nos entamos del sieglu XXI tánse viviendo los entamos de la interconexón total a la que converxen les telecomunicaciones, al traviés de too tipu de dispositivos que son cada vegada más rápidos, más compactos, más poderosos y multifuncionales.
Considerances de diseñu d'un sistema de telecomunicación
editarLos elementos qu'integren un sistema de telecomunicación son un tresmisor, una llinia o medio de tresmisión y seique, impuesto pol mediu, una canal y a lo cabero un receptor. El tresmisor ye'l dispositivu que tresforma o codifica los mensaxes nun fenómenu físicu, la señal. El mediu de tresmisión, pola so natura física, ye posible que remocique o degrade la señal nel so trayeutu dende'l tresmisor al receptor per aciu del ruíu, interferencies o la propia distorsión de la canal. Poro'l receptor ha tener un preséu de decodificación capaz de recobrar el mensax dientro de ciertes llindes de degradación de la señal. En dalgunos casos, el receptor final ye'l oyíu o'l güeyu humanu (o en dalgún casu estremu otros órganos sensoriales) y ea recobramientu del mensax faise pola mente. La telecomunicación puede ser puntu a puntu, puntu a multipuntu o teledifusión, que ye una forma particular de puntu a multipuntu que funciona solo dende'l tresmisor a los receptores, siendo la so versión más afamada la radiodifusión.
La función de los inxenieros de telecomunicación ye analizar les propiedaes físiques de la llinia o mediu de comunicación y les propiedaes estadístiques del mensax col envís de diseñar los preseos de codificación y decodificación más afayadizos. Cuando los sistemes tán diseñaos pa comunicar al traviés de los órganos sensoriales humanos (principalmente vista y oyíu), debense tener en cuenta les carauterístiques psicolóxiques y fisiolóxiques de perceición humana. Esto tien importantes implicaciones económiques y l'inxenieru investigará que defectos pueden ser toleraos na señal ensin qu'afecten abondo la visión o audición, basándose en conceptos como la llinde de frecuencies detectables polos órganos sensoriales humanos.
Posibles imperfecciones nuna canal de comunicación son: ruíu impulsivu, ruíu térmicu, tiempu de propagación, función de tresferencia de canal no llinial, caídes súbites de la señal (microcortes), llimitaciones nel anchu de banda y reflexones de señal (eco). Munchos de los modernos sistemas de telecomunicación obtienen ventaxa de dalgunas d'estes imperfecciones pa, finalmente, meyorar la calidá de tresmisión de la canal.
Los modernos sistemes de comunicación faen bien d'usu de la sincronización temporal. Hasta la reciente apaición del usu de la telefonía sobre IP, la mayor parte de los sistemes de comunicación taben sincronizaos a reloxes atómicos o a reloxes secundarios sincronizaos a la hora atómica internacional, obtenida na mayoría de los casos vía GPS.
Ya nun ye necesariu afitar amecedures físiques ente dos puntos pa tresmitir la información d'un puntu a otro. Los fechos asocedíos nun llugar, asoceden al tiempu en tol mundu. Adentrámosnos nuna nueva triba de sociedá na que la información ye la que manda. La conocencia ye poder, y saber daqué ye too aquello que se necesita. N'Europa la sociedá de la información anicióse como rempuesta de la Comunidá Europea al crecimientu de les redes d'alta velocidá de los Estaos Xuníos y la so superioridá teunolóxica. [ensin referencies]
Otros aspeutos d'interés
editarEl científicu de los llaboratorios Bell Claude E. Shannon espublizó en 1948 un estudiu entituláu Una teoría matemática de la comunicación. Esta espublización foi un fitu pa la realización de los modelos matemáticos usaos pa describir sistemas de comunicación, dientro de la nomada teoría de la información. La teoría de la información permítenos evaluar la capacidá d'una canal de comunicación acordies col so anchu de banda y la so rellación señal-ruíu.
Na data de la espublización de Shannon, los sistemas de telecomunicación taben basaos, sobremanera, en circuitos electrónicos analóxicos. La inxertadura masiva de circuitos integraos dixitales permitió a los inxenieros de telecomunicación aprovechar dafechu les ventaxes de la teoría de la información, remaneciendo, a partir de la demanda de los fabricantes d'equipos de telecomunicación, un área especializada nel diseñu de circuitos integraos nomada procesamientu de señales dixitales.
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre Telecomunicación.- International Telecommunication Union (ITU)
- ATIS Telecom Glossary
Datos: Q418- Multimedia: Telecommunications
