Fuexa común d'Uviéu
La Fuexa común d'Uviéu allúgase'n dicha ciudá asturiana y ellí reposen 1.316 persones asesinaes mientres la represión na zona franquista, na Guerra Civil Española[1].
| Fuexa común d'Uviéu | |
|---|---|
fosa común (es)  | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Parroquia | Uviéu |
| Ciudá | Uviéu |
 | |
Carauterístiques editar
La fuexa tien 21 metros de llongura por 12 d'anchu, y fondura desconocida, pero pol númberu de los ellí soterraos, tien de ser fonda. Munchos fueren tresportaos con vida al esterior del campusantu, y asesinaos ellí mesmu, nun allugamientu mirando a la sierra del Aramo. Los que nun morríen nel mesmu fusilamientu fueren soterraos morrebundos, ensin tiru gracia, cubiertos de cal vivo y de cutiu quedando al aire miembros que yeren comíos polos perros y los cuervos. Los berros de dolor de los desgraciaos qu'entá nun morrieren podíen ser escuchaos por quien vivíen nes cercaníes.
Otros fueren secuestraos, pasiaos y executaos n'otros llugares, tresportaos los sos cadabres en camiones, dexando restos de la so sangre peles cais d'Uviéu, y llevaos a la fuesa pa cerrar episodios escuros y de cutiu anónimos. Y lo que ta claro ye que non toles víctimes de la represión fascista n'Uviéu tán na fuesa: munchos fueron los que sumieron y morrieron de forma estraoficial, siendo "pasiaos" y asesinaos tantu por civiles como por militares, ensin dexar constancia escrita y con flagrante impunidá y complicidá de les autoridaes, yá terminada la guerra.
Non tolos combatientes republicanos "oficialmente" asesinaos fueron a parar a la fuesa, yá que a los que confesaben y comulgaben antes de la so execución axudicábase-yos un nichu nel campusantu católicu.[2]
Los familiares editar
Desque la fuexa empezó a acoyer cuerpos, convertir a la honra a los muertos d'izquierdes en daqué clandestín. Inclusive les flores teníen de ser refundiaes dende l'esterior, al tar siempres cerrada la puerta del campusantu civil. Vilbes que teníen ellí soterraos al home, a los fíos o a toos, yeren repelidas violentamente pola Guardia Civil.
Namái en 1967, familiares de los ellí soterraos, solicitaron valientemente la construcción d'un cercu de piedra como'l que güei día delimita la fuexa, llogrando la negativa per parte del Gobiernu Civil.[2]
El monumentu editar
Yá en democracia, en viéspores del día de la República de 1986, inauguróse'l monumentu qu'anguaño apodera l'espaciu de la fuexa: un monumentu dedicáu a los Defensores de la República y del Frente Popular n'Asturies.[2]
Enllaces esternos editar
Referencies editar
Datos: Q5864309
