Fulgencio Argüelles
Fulgencio Argüelles (6 de xineru de 1955, Uriés)[1] ye un escritor y psicólogu asturianu.
Fulgencio Argüelles | |
|---|---|
 | |
| Vida | |
| Nacimientu | Uriés, 6 de xineru de 1955 (69 años) |
| Nacionalidá |
 España |
| Llingua materna | asturianu |
| Estudios | |
| Estudios | Universidá Pontificia Comillas |
| Llingües falaes |
castellanu asturianu |
| Oficiu | psicólogu, escritor |
| Premios | |
 | |
Biografía editar
Nacíu na aldega ayerana d'Uriés, estudió psicoloxía nes universidaes de Comillas y Complutense de Madrid, especializándose en psicoloxía del trabayu y de les organizaciones. Dempués d'una llarga estancia en Madrid, en 1997 tornó a Asturies pa morar en Cenera (Mieres), el llugar onde pasara la so infancia y la so mocedá.
Antes de la publicación de la so primer novela recibió dellos premios polos sos rellatu curtios, tantu en castellán (Ayer, Guardo o Internacional de Meres) como n'asturianu (Carreño, Ḷḷena o Bilordios de Pinón).
Publicó les noveles Lletaníes d'agua, Premiu Azorín de 1992; Los clamores de la tierra; Alcordances de dalgún vivir, Premiu Principáu d'Asturies 2000 concedíu pola Fundación Dolores Medio,[2] y El Palaciu azul de los inxenieros belgues, Premiu Café Xixón 2003.[3] Tamién publicó los llibros de rellatos Del color de la nada y Seronda, esti postreru n'asturianu y en collaboración col pintor asturianu J. Enrique Maojo.[4][1]
Obres editar
Noveles editar
- Lletaníes d'agua (Alfaguara, 1993). Novela premiada col premiu Azorín de Novela 1992.
- Los clamores de la tierra (Alfaguara 1996). Trátase de la crónica histórico y lliterario de los primeros años del reináu de Ramiro I (843-850).
- Alcordances de dalgún vivir (Nobel 2000), Premiu de Novela Principáu d'Asturies 2000.
- El palaciu azul de los inxenieros belgues (Cantil 2003), Premiu Café Xixón de Novela 2003, y col Premiu de la Crítica que concede l'Asociación d'Escritores d'Asturies (AEA)a la meyor novela publicada en 2003.
- A la solombra de los abedurios (TREA 2011)
- Nun atopo la mio cara n'en l'espeyu (Cantil, 2014)
- La seronda de la casa de los sauces (Cantil, 2018)
Llibros de rellatos editar
- Del color de la nada *
Seronda (Academia de la Llingua Asturiana 2004): rellatos en llingua asturiana, ilustraos por Jorge Enrique Maojo.
- Cuentos de fútbol (Alfaguara 1995): obra coleutiva na que participen venticuatro autor, ente otros Atxaga, Benedetti, Bryce Echenique, Delibes, Fernán Gómez, Llamazares, Javier Marías, Manuel Rivas, Roa Bastos, J.L. Sampedro o Manuel Vicent. El rellatu de Fulgencio Argüelles ye'l primeru del volume y lleva el títulu de Cuando los balones volviéronse invisibles.
Escribe davezu artículos d'opinión, según crítiques lliteraries nel diariu El Comercio, onde caltién una seición fixa denominada "Llibros de siempre enxamás". Por estos artículos foi-y concedíu'l Premiu de la Crítica que concede l'Asociación d'Escritores d'Asturies (AEA) al columnismo lliterariu en 2012.
Teatru editar
- Como una plaga de llagostes (2012) Adautación de la obra Fuenteovejuna de Lope de Vega.
- La última cena(2013)
Referencies editar
- ↑ 1,0 1,1 Literastur (ed.): «Fulgencio Argüelles». Archiváu dende l'orixinal, el 3 de febreru de 2012. Consultáu'l 27 de febreru de 2012.
- ↑ biblioasturias.com (ed.): «verbu-ensin-imperativu/ FULGENCIO ARGÜELLES: LLEER, UN VERBU ENSIN IMPERATIVU». Consultáu'l 27 de febreru de 2012.
- ↑ EFE (28 de setiembre de 2003). El Mundo (ed.): «Fulgencio Argüelles gana'l Premiu Café Xixón con 'El palaciu de los inxenieros belgues'». Cultura. Consultáu'l 27 de febreru de 2012.
- ↑ Cantil (ed.): «Autor, Fulgencio Argüelles». Consultáu'l 27 de febreru de 2012.
Enllaces esternos editar
Datos: Q5507856
Multimedia: Fulgencio Argüelles
