Asociación Cultural Zamora Furmientu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
L'Asociación Cultural Zamorana Furmientu nacío nel añu 2002 como converxencia d'otres iniciatives asemeyaes (Zamoranos pola Llingua y Facendera pola Llingua de Zamora). Furmientu surdió pola ausencia d'iniciatives per parte de les instituciones zamoranes en favor del patrimoniu llingüísticu de les comarques zamoranes. De les tres llingües falaes nel territoriu provincial —castellanu, gallego-portugués y asturllionés—, esta última alcuéntrase nun estáu d'abandonu, postergación y indiferencia. Por ello, el puxu de l'asociación empobina a la conservación, dignificación y desendolcu de les variedaes llocales del asturllionés usaes nes comarques del occidente provincial: senabrés, carbayés y alistanu.
| Asociación Cultural Zamora Furmientu | |
|---|---|
 | |
| Direición | España |
| Historia | |
| Fundación | 2002 |
| Web oficial | |
 | |
Ente les actividaes que desarga l'asociación pal algame de los sos fines, han destacase:
- La edición d'un boletín trimestral llamáu El Llumbreiru del qu'hasta agora publicárense 31 númberos, con una tirada d'unos 2000 exemplares y repartíu de baldre.
- Un concursu de vocabulariu y de toponimia tradicional zamorana del que tiénse celebrao la so sétima edición con participantes de diferentes puntos de la provincia.
- Ciclos de conferencies sobre la cultura tradicional de Zamora, faciendo especial procuru nel patrimoniu llingüísticu. En deciembre de 2012 llegóse a la oncena edición.
- Organización en collaboración col Institutu d'Estudios Zamoranos de xornaes divulgatives sobre l'asturllionés na provincia de Zamora.
- Charles divulgatives sobre'l patrimoniu llingüísticu zamoranu en diferentes llocalidaes de la provincia.
- Otres actividaes como esposiciones divulgatives y propuestes a ayuntamientos pa la recobración de la toponimia y l'usu de nomes vernáculos en cartelos, lletreros, etc...
- Furmientu desarga un importante llabor divulgativu al traviés de la so páxina web y el blog "Actualidá de Furmientu" cola difusión de noticies y estudios.
- Los miembros de Furmientu desarguen una importante xera d'esquisa, de campu y bibliográfica, de les fales y llingües de la provincia.
- Dende Furmientu, pola primer vez na hestoria, desargóse l'usu de les fales asturllioneses de Zamora como llingua escrita. Alredor de Furmientu y protagonizáu por miembros de l'asociación, comenzó'l so cultivu lliterariu, plasmáu na creación y publicación de poemes, cuentos y traducciones nestes variedaes.
Ver tamién
editarReferencies
editar
Datos: Q8963140
