GR Virginis

GR Virginis

GR Virginis (GR Vir / HD 129903 / HIP 72138)[1] ye una estrella variable na constelación de Virgu asitiada a 1,25º de Rijl al Awwa (μ Virginis), cuasi na llende con Llibra. Afayóse por Strohmeier et al. en 1965 y independientemente por Harris en 1979. Alcuéntrase a 173 años lluz de distancia del Sistema Solar.

GR Virginis
Constelación Virgu
Ascensión reuta α 14h 45min 20,26s
Declinación δ -06º 44’ 04,1’’
Distancia 173 años lluz
Magnitú visual +7,96
Magnitú absoluta +4,33
Lluminosidá 2,87 / 0,48 soles
Tipu espectral G0V
Velocidá radial -96,6 km/s

GR Virginis ye una binaria de contautu, esto ye, los sos componentes tán tan cerca ente sigo qu'esiste tresferencia de masa y comparten les capes esteriores («binaria de sobrecontautu»). GR Virginis tien amás un altu grau de sobrecontautu (78,6%). Ye una binaria eclipsante del tipu W Ursae Majoris, bazcuyando'l so rellumu ente magnitú +7,80 y +8,25 nun periodu de 0,4198 díes.[2] Dientro d'esta clase de variables pertenez al subtipo-A. El so periodu mengua a razón d'a razón de 4,32 × 10−7 díes per añu. Esti amenorgamientu va faer que los lóbulos de Roche críticos interiores y esteriores vaigan amenorgándose, faciendo que la capa esterior compartida seya cada vegada más fonda, pa finalmente formar una única estrella con una gran velocidá de rotación.[3]

El tipu espectral de GR Virginis ye G0V.[4] Ye una de les variables W Ursae Majoris onde la rellación ente les mases de dambes componentes ye menor (q = 0,122). Les mases respeutives son 1,36 y 0,17 vegaes la masa solar y los radios 1,42 y 0,61 vegaes el radiu solar.[3]

ReferenciesEditar

Coordenaes:   14h 45m 20.263s, -6° 44 4.13